اکستاني پوځ په وزيرستان کې سږ کال ډيره مرگ ژوبله ليدلې ده

د چارشنبې په ورځ په سويلي وزيرستان کې د طالبانو يوۀ وياند ويلي و چې عبدالله مسيد اوربند اعلان کړى دى .

خو په اسلام اباد کې د کورنيو چارو وزير حمد نواز خبري اژانسونو ته ويلي چې رسمي اوربند نشته خو دواړو غاړو اوس د ټوپکو خولې تړلي دي .

ښاغلي نواز زياته کړه چې قبايلي جرگه به پر سولې خبرې کوي چې پکې به د حکومت او قبايلو استازي وي .

خو پاکستاني چارواکي د دغې جرگې د ترسره کيدو وخت ونه ښود .

په وزيرستان کې له ځايي طالبانو سره د پاکستان پخوانيو خبرو لويديځ او په گاونډ کې د افغانستان حکومت خپه کړى و .

هغوى په دې باور دي چې دغه ډول خبرې گواکې اورپکو ته د بيا سره ټوليدا وخت ورکوي .

خو د پاکستان د کورنيو چارو سرپرست وزير وايي چې يوازې خبرې اترې به قبايلي سيمې کې جوړ جاړي راولي .