په پاکستان کې د ازاد او بې پرې ډول د ټاکنو په تر سره کولو شکونه شته دي

دغۀ سازمان په خپل کلني راپور کې د مشرف د ملاتړ له امله په برتانيا او امرىکا هم کلکې نيوکې کړي.

راپور وايي چې دمگړۍ په پاکستان کې د راتلونکو ټاکنو په ازاد ډول د تر سره کېدو په اړه شکونه دي او د حکومتي کانديدانو په برخه کې درغلۍ شوي دي.

د بښنې نړيوال سازمان د پخوانۍ لومړۍ وزيرې بېنظير بوټو په اړه ويلي چې که څه هم ولسمشر پروېز مشرف د هغې د مړينې تور په القاعده ور اچوي خو زياتوي چې د مېرمن بوټو د وژنې د ځاى پرېمينځل او ځېنې نورو ورته کارونو خلک شکمن کړي چې گواکې د هغې په وژنه کې د پاکستان استخباراتي ادارې لاس لري.

سازمان د پاکستان د پخواني مشر قاضي افتخار محمد چودري او د هغه د نورو ملگرو قاضيانو او د هغوى د کورنيو نظربند ساتل په کلکه غندلي دي.

راپور زياتوي چې د مشرف لخوا د بېړني حالت تر اعلان وروسته اى ايس اى او نورو استخباراتي ادارو له گڼو وکيلانو پوښتنې کړي او سخت يې زورولي دي.

زورونه  راپور زياتوي چې د مشرف لخوا د بېړني حالت تر اعلان وروسته اى ايس اى او نورو استخباراتي ادارو له گڼو وکيلانو پوښتنې کړي او سخت يې زورولي دي. د بښنې نړيواله ټولنه

په ٢٠٠٨ ميلادي کال کې د پاکستان په اړه ويل شوي: ''که څه هم امريکا، برتانيا او اروپايي ټولنه په پاکستان کې د بشري حقونو په برخه کې د ولسمشر مشرف په رول نيوکه کيږي خو وايي چې ددې هيوادونو په ويلو او عمل کې لوى توپير دى''

د بښنې نړيوال سازمان ولسمشر پرويز مشرف د جمهوريت په جامه کې د يو دکتاتورپه توگه ياد کړى دى.