حنان حبىبزى له کابله

	دغې پيښې يو ځل بيا دزده کوونکو، ښوونکو او د ښونځيو د امنيت په اړه انديښنې راولاړې کړې

د پوهنې افغان وزير محمد حنيف اتمر وويل دوه تنو موټر سايکل چلوونکو له هغې وروسته د قلعه يې سيدان د ښوونځي پر زده کونکو بريد وکړ چې دوى خپل درسي ساعتونه پاى ته رسولي وو .

دافغانستان د پوهنې د وزارت چارواکي وايي چې دغې پيښې يو ځل بيا دزده کونکو ،ښونکو او د ښونځيو د ودانيو په اړه انديښنې راولاړې کړي دي .

بريد هغه مهال وشو چې زده کوونکې له ښونځي څخه رخصت شوې او درسي ساعتونه يې پاى ته ورسيدل .

د افغانستان د پوهنې وزير ووېل دوه تنو موټر سايکل چلوونکو چې مخونه يې پوښلي وو

د لوگر په ولايت کې د قلعه يې سيدان د ښوونځي د زده کونکو پر يوې ډلې ډزې وکړې چې دوه تنه زده کونکې يې ووژلې او شپږ تنه نورې يې ټپيانې کړې .

دا په دې وروستيو مياشتو کې د ناپيژندل شو وسله والو له خوا پرهغو نجونو چې په ښوونځي کې زده کړې کوي ،مخامخ بريد دى.

دې بريد يو ځل بيا چارواکي د زده کوونکو ، ښوونکو او د ښوونځيو د ودانيو د ساتلوپه اړه په فکرونو کې وغورځول .

ښاغلي اتمر وويل دقلعه يي سيدان د ښونځي پر زده کونکو مرگوني بريد دده ادارې ته ټکان ورکړى او ډيرې انديښنې يې راولاړې کړي دي .

دوه تنه چې ويل کيږي پر موټر سايکل سپاره وو ، دغه وسله وال بريد يې پر افغان نجونو کړى دى او د لارې په سر کې ورته ولاړ وو . د پوهنې وزير، حنيف اتمر

څو دقيقې مخکې ما د يوې زده کونکې له کورنۍ سره خبرې وکړې . دا ډيره لړزونکې او وحشتناکه پيښه ده .

دا پيښه د افغانستان په تاريخ کې ډيره وحشتناکه ده او زه فکر کوم چې ټولې نړيوالې ټولنې ته د غندلو وړ ده .))

د لوگر په ولايت کې پر ښځينه زده کونکود دغه وسله وال بريد خبر په کابل کې د هالنډ په مرسته ديو مليون ډالرو په لگښت د افغانستان دبغلان په ولايت کې د څو ښونځيو د جوړولو د هوکړې له لاسليک څخه يوازې دوه ساعته وړاندي خپورشو .

د پوهنې وزير بريد کونکي د افغانستان کمزړي دښمنان وبلل خو دا يې ونه ويل چې ددغه بريد تر شا به د کومې ډلې يا شخص لاس وي .

که څه هم په دې وروستيو مياشتو کې پر ښونځيو او زده کونکو د بريدونو خبرونه کم شوي دي خو دغې پيښې وښوده چې د ښونځيود ساتلو لپاره ددولت پريکنده گامونو وچتولو ته لا هم اړتيا ده .

د افغانستان د پوهنې وزارت وايي له هغې وروسته چې پر ښونځيو بريدونه ډير شول ، ددغه هيواد ٩٠ په سلو کې ښونځي اوس د خلکو د سيمه ييزو جرگو په ملاتړ ساتل کيږي چې دغه وزارت يې امنيتي حالت د ډاډ وړ ښيي .

خو د پوهنې د وزارت د وروستيو شميرو له مخې د تير ميلادي کال د جنورۍ د مياشتې راهيسې ١٩٠ ښونځي د افغانستان په گوډ گوډ کې سوځول شوي او يا تر بريد لاندې راغلي دي .