عبدالمالک عاصم کابل

	د نويو کتابونو دچاپ لگښت امريکا او ډنمارک په غاړه اخيستى

ددغو کتابونو وېش نن له کابل نه پيل شو . د ښونې اوروزنې وزير حنېف اتمر ژمنه وکړه چې د ٢ کلونو په ترڅ کې به د افغانستان ټولو زدکونکوته نوي کتابونه ورکول شي .
چې د لوړو ټولگيو په نصاب هم د کار د ژرپيل کېدو يادونه وکړه . ده وويل څه باندې ١٧ مېلونه نوي کتابونه چاپ شوي چې ټول لگښت يې د امريکا متحده ايالاتو او ډنمارک ورکړي دي .

د کتابونو د نشتوالي ، غلط چاپ او زاړه نصاب له ستونزې سره له تېرو څو کلونوراهېسې افغان زدکونکي مخ وو . خو په لومړي ځل د پوهنې وزارت د وخت د پرمختللو علومو سره سم په نوي نصاب د چاپ شويو رنگه کتابونو وېش پيل کړ .
دا وخت يواځې د لومړنيو ټولگيو لپاره کتابونه وېشل کيږي .

د ښونې او روزنې وزير حنيف اتمر په کابل کې ددغو کتابونو د وېش پر مهال ژمنه وکړه چې د ٢ مياشتو په دننه کې به د ټو ل افغانستان د لومړنيو ښونځيو زده کونکو ته دا کتابونه ورسوي .

ښاغلي اتمر وويل :
(( د يوې اونۍ په د ننه کې به دکابل ټولو څه باندې ٨ سوه زره د لومړنيو ټولگيو زده کونکو ته کتابونه وويشل شي او په ٢ مياشتو کې به دټول افغانستان زدکونکوته . دا وخت ١٧ ميلونه کتابونه چاپ شوي . خو د لوړو ټولگيو د نصاب او کتابونو چاپ يوڅه وخت غواړي خو تر ٢ کلونو پورې به دافغانستان هېڅ داسې ښونځى نه وي چې د نوي نصاب کتاب ونه لري. ))

خو ښاغلي اتمر په ډاگه کړه چې د لومړنيو ښونځيو د ٤ او ٦ ټولگي لپاره دا وخت کتابونه نه دي چاپ شوي او وېې ويل چې ډېر ژر به دا چاره هم تر سره شي.

د ښونې وزير ډاډوښود چې نوي چاپ شوي کتابونه ترډېره بريده غلطى نه لري .کوم چې په پخوانيو چا پ شويو کې داستونزه له ورايه ښکارېده .

پر نويو کتابونو کې د رسم الخط ،د ژوند لارښود او د رسم په نوم څو نوي کتابونه هم چاپ شوي چې پخوا يواځې د ښونځيو په تقسيم او قات کې ځاى شوي وو چې ښونکو بې له کتابه زدکونکو ته لوست ورکولو .په کابل کې د عايشي دراني د ښونځۍ يوې ښونکې نوي کتابونه د زدکونکو لپاره ډېر اسانه او گټور وبلل.

د ښونې او روزنې وزير وويل:
(( د اکتابونه دتېرو کتابونو په پرتله ډېر په زړه پورې دي ، ځکه چې په روڼ ليک لېکل شوى او ښه رسمونه لري . چې زدکونکي د همدغو رسمونو له برکته کولاى شي هرڅه ښه زدکړي . اوبل ښه والى يې دادى چې ليکنې يې لنډې او عکسونه يې ټرډېره رنگه او زدکونکو ته په زړه پورې دي. ))

کتابونه په ښه کاغذ چاپ شوي او ترډېره برېده موضوعگانې زده کونکوته په عکسونو او رسمونو سره واضح شوي .او دا لومړى ځل دى چې له اوږدې مودې وروسته د وخت داړتياوو سره سم ښونځيوته کتابونه چاپيږي .

دنويو کتابونود چاپ ټول لگښت چې ٩ ميلونه ډالره شوى د امريکاد متحده ايالاتو او ډنمارک لخوا ورکول شوي . خو ښاغلي اتمر له ټولو خلکو غوښتنه وکړه چې دا کتابونه دې په بازارونو کې نه پلوري