نيمروز پخوا ارام ولايت و، خو په تېر يو کال کې د تاوتريخوالي لمن دغلته هم ور غځېدلې

سيمه ييز چارواكې وايي دغه سرتيري دنيمروز ولايت دخاشرود اودلارام ولسوالۍ دلويې لاري په اږدو كې دطالبانو په يوۀ كمين كې ووژل شول .

دنيمروز چارواكي وايي وژل شوو اتو افغان سرتيرو ددغه ولايت په خاشرود ولسوالۍ كې دنده ترسره كول .

دنيمروز والي ډاکټر غلام دستګير ازاد بي بي سي ته وويل دغه سرتېري تېرماښام (يکشنبه) له خاشردو ولسوالۍ څخه دلارام ولسوالۍ ته تلل چې په لاره كې دوسله والو طالبانو تر بريد لاندې راغلل .

چارواكي ټينګار كوي چې دسرتېرو سره په جګړه كې وسله والو طالبانوته هم درانه زيانونه وراوښتي .خود دقيقو تلفاتو په اړه يې معلومات نه لري .

عيني شاهدان وايي جګړې څوساعتونه دوام درلوداو دواړولورو پكي له سپكو اودرنو وسلوڅخه كاراخيستۍ .

له بلې خوا قاري يوسف احمدي چي په سيمه كې دوسله والو طالبانو وياند بلل كيږي ادعا كوي چي ددوى په دغه بريد كې څه باندي ١٠ افغان سرتيري وژل شوي دي .

احمدي زياته کړه چې له پوليسو څخه يې ديوه اندازه وسلو اومهماتو دنيولو ترڅنګ دهغوى دسپرلۍ ګاډي هم ويجاړكړي .

كه څه هم افغان چارواكي په دغه نښته كې ووسلوالو طالبانوته هم ددرنو زيانو داړولو خبره كوي ، خوطالب وياند دخپلوزيانونو پخلى نه كوي .

له دې وړاندي نيمروز دافغانستان دډېرو ولايتونو په نسبت ارام بلل كېده .خو په دې ورستيوكې د تاوتريخوالي لمن دغه ارام ولايت ته هم غځېدلې ده .

په څنگلوري ولايت هرات کې ښار ته نژدې د سړک د غاړې د بم په چادونه کې يو بهرنى سرتېرى ټپي شوى دى.

ده وويل د نن (دوشنبه) سهار په دې پېښه کې د يوۀ بهرني سرتېري د ټپي کېدو سربېره، د هغوى گاډى هم ويجاړ شوى.

هرات ولايت په دې وروستيو کې د زياتېدونکي تاوتريخوالي او د طالبانو او بهرنيو ځواکونو تر منځ د نښتو سيمه پاتې شوې.