له ٢٠٠٢ کال راهيسې چې کاناډايي ځواکونه په افغانستان کې مېشت شوي، ټولټال ٥١ سرتېري يې وژل شوي دي.

اووم کاناډايي سرتېرى سخت ژوبل شوى، خو ټپونه يې مرگونې نه دي ښودل شوي.

د ناټو تر مشرۍ لاندې دغو سرتېرو د کندهار ښار لوېديځ ته د يکشنبې په ورځ گزمه کوله چې د سړک د غاړي چاودنه پرې وشوه.

د کاناډا لومړي وزير سټيفن هارفر، چې په فرانسه کې د ايسټر په مذهبي مراسمو کې گډون کوي، د خپلو شپږو سرتېرو پر وژنه خواشيني ښودلې او دا يې په افغانستان کې د کاناډايي ځواکونو لپاره يوه خورا سخته ورځ بللې.

هغه په کندهار کې خپلو سرتېرو ته ورپېښ گواښونه د کاناډايي ځواکونو لپاره هومره خطرناک وبلل لکه د لومړۍ نړيوالې جگړې په ترڅ کې.

له ٢٠٠٢ کال راهيسې چې کاناډايي ځواکونه په افغانستان کې مېشت شوي، ټولټال ٥١ سرتېري يې وژل شوي دي.

د يکشنبې په ورځ د ناټو پوځ يو بل سرتېرى هم په سويل کې وژل شوى و، چې هويت او د پېښې ځاى يې تر اوسه نه دى ښودل شوى.