ځينې عراقيان په دې باور دي چې د صدام حسين محکمه به امنيت نور هم خراب کړي

پرصدام حسين د شيعه وگړو د عام وژنې توردى چې وايې په کال نولس سوه دوه اتيايم کې يې په عراق کې داوژنې تر سره کړي دي . محکمې خپل کار نن سهار پيل کړ .

کله چې د محکمې حکم اعلان شو صدام حسين لا جنجال کاوۀ. دى د محکمې په يوه خاصه برخه کې ولاړ وو، توره دريشي يې اغوستې وه، سپين کميس يې رنگه تڼۍ لرلې او وريښمين د ستمال يې په جيب کې وو.

لومړى خو يې نه غوښتل چې ودريږي خو قاضي ددرديدو امر ورکړ. کله چې سزا ورته واورول شوه نو پخواني د يکتا تور چيغه کړه.
ژوندي دې وي خلک. مړه دې وي دښمنان، الله اکبر، الله اکبر، الله اکبر. د صدام په کيڼ لاس کې قران شريف وۀ اوله قاضي يې سره يې جنجالي خبرې کولې او محکمه يې پدې تورنه کړه چې دنيواکگرو غلامان دي.

کله چې محکمې سزا واوروله ده نه غوښتل چې له محکمې نه ووزي خو د محکمې چارواکو په زور له محکمې نه وايستۀ. په بغداد کې د صدام د اعدام خبردښار په ځينو برخو کې دخوښى په ډزو ونمانځل شو.

د عراق په کوڅو کې د ډزو او اخ وډب له کبله حکومت په پلازمينه او شاوخوا ولايتونو کې د ټرافيکو پر گرځيدو بنديز لگولى دى .

د ټولو پوځيانو ويستل ځنډول شوي دي . گوتنيوونکي وايې چې د امريکا او عراق حکومتونه د محکمې په بهير کې لاسوهنه کوي . د يکشنبې په ورځ د عراق لومړي وزير نوري المالکي هيله وښوده چې ، صدام حسين د هغه څه وړ شي چې کړي يې دي .

په بغدادکې د بي بي سي خبريال وايي ، ځينې عراقيان په دې باور دي چې ، د صدام حسين محکمه به امنيت نور هم خراب کړي .