د افغان لوبغاړو بل گام به د المپيک په لوبو کې د مډالونو گټل وي .

هلته د اوو هيوادونو ترمنځ د تيکواندو لوبو په ترڅ کې افغان لوبغاړو د سرو زرو د ١٥ مډالونو په گټلو اول مقام وگاټۀ .

افغان لوبغاړو چې په بيلا بيلو وزنونو کې يې سيالي کوله د سپينو زرو او ژيړو اته مډالونه هم خپل کړل .

د افغانستان د المپيک کمېټې مشر انور جگدلک دا برياليتوب د خپل هيواد لپاره لوى وياړ وبالۀ .

له بي بي سي سره د خبرو پر مهال ښاغلي جگدلک وويل :

(( د افغان لوبغاړو شرايطو ته په پام سره دا ډيره ښه نتيجه ده . موږ ترې راضي يوو . ))

بدام گل ساپى يو له افغان لوبغاړو څخه دى دۀ وويل (( خوشاله يم چې خپل هيواد ته وياړ گټم . خو په هيله يم چې افغان دولت به زموږ د لوبو شرايط ښه کړي ، موږ ځاى نه لرو . ))

د طالبانو له نسکوريدو راهيسته په بيلا بيلو نړيوالو لوبو کې افغان لوبغاړي ښه ځليدلي دي خو لوبيز شرايط يې لا هم هغسې نه دي چې پکار دي .

تيره اوونۍ د افغانستان د کريکټ لوبډلې د کريکټ د اسيايي شورا د منځني ختيځ په اتلوليو کې دويم مقام ترلاسه کړ .

څو مياشتې وړاندې د فوټبال ملي لوبډلې د سويلي اسيا په اتلوليو کې سرېلنکا ته ماتې ورکړه .

د غيږ نيولو او جودو په لوبو کې هم افغان لوبغاړو يو شمير برياليتوبونه لرلي دي .

د لوبو نور خبرونه د دې ځاى په کېکاږلو ترلاسه کړئ