احسان شفيق ويل دا يې اول وار و چې په کيک باکسينگ کې يې برخه اخيسته .

دۀ د ناټينگهم په ښار کې د برتانيا په کچه د ٣٠٠ کلبونو په سياليو کې د ٧٥ کيلوگرامه وزن په سيالي کې گډون وکړ او د سرو زرو مډال يې خپل کړ .څ

له بي بي سي پښتو وېبپاڼې سره د خبرو پر وخت احسان شفيق وويل د برتانيا په کچه يې ٤ وارې د کانفو په لوبو کې اول مقام گټلى دى .څ

دۀ وويل (( تير کال مې په جرمني کې د برتانيا په استازيتوب په کانفو لوبو کې اول مقام خپل کړ . ))

شفيق هيله من دى چې د ٢٠٠٦ کال په المپيک لوبو کې به د برتانيا په استازيتوب برخه واخلي .

(( په برتانيا کې اوس زموږ ډير زړۀ ساتي چې د المپيک لوبو لپاره تيار شو . ))

احسان شفيق خپله هم د يوۀ کلب چلوونکى دى او نوي لوبغاړي روزي .

د لوبو نور خبرونه د دې ځاى په کېکاږلو ترلاسه کولى شئ