هند وايي په يوۀ ايالت کې به ٥٠٠ زره مارغان وژني .

چانسلرې مرکېل وويل حالات بد دي او جرمن حکومت به تر خپله وسه د دې وايروسو د کنترولو لپاره هڅه کوي .

دې د ريگون په ټاپو کې خبرې کولې چې د مارغانو ايچ ٥ اين ١ ډوله وايروس پکې په مړو هيليو کې موندل شوي وو .

چانسلرې مارکيل وويل مهمه دا ده چې وحشي مرغان د فارمونو له چرگانو ليرې وساتل شي .

د ايچ ٥ اين ١ ډوله وايروسو قضيې په لومړي ځل د جرمني په خاوره کې ليدل شوي دي .

د اروپا د چرگانو د غوښې د تر ټولو لوى توليدونکې هيواد فرانسې د روغتيا وزير وويل په هيواد کې د مارغانو د والگي له امله د پېښ گواښ مخنيوي ته به لگښتونه په پام کې ونه نيسي .

هندي حکومت وايي د دغۀ هيواد په لويديځ کې د گڼ شمير چرگانو وژنه پيل شوې ده ځکه چې دغلته د شنبې په ورځ د مارغانو د ايچ ٥ اين ١ ډوله وژونکي وايروس د مارغانو په والگي کې موندل شوي وو .

دوي وايي روغتيايي کارکوونکي او ويترنران د مهاشترا ايلت په هر فارم گرځي او نژدې نيم ميليون مرغان وژني .

د هند د کورنيو چارو وزير شيوراج پټيل وويل د ناروغۍ د موندل شوې سيمې شاوخوا درې کيلومتره ساحې کې به ټول مرغان وژل کيږي .

خو د هند د مرغانو يوې کارپوهې وويل ځينې فارم لرونکي د مرغانو له وژنې سره جوړ نه دي مقاومت کوي . دا په دې فکر ده چې دغه وبا د مرغانو والگى نه دى بلکه د نيوکاسل په نامۀ يوه عادي ناروغي ده .

دغې کارپوهې انورودا ديسي بي بي سي ته وويل دې هندي حکومت ته ويلي چې د وژل شويو مارغانو د نويو معايناتو امر ورکړي .

بل پلو بنگله ديش د خپلو پولو څارنه سخته کړې ده چې له بهره دغۀ هيواد ته ژوندي مرغان يا چرگان قاچاقي ورنه شي .

دغه گام په هند کې د وژونکي ايچ ٥ اين ١ ډوله وايروسو د موندنې تر خبر وروسته اخيستل شوى دى .

دغه دواړه هيوادونه د ٤٠٠٠ کيلومترو اوږده پوله سره لري . بنگله ديش ١٨ مياشتې وړاندې هغه وخت له هند څخه د چرگانو اخيستل بند کړل چې د دوى د چرگانو د غوښې ټولنې وويل چې د هند د مارغانو په والگي کې يې د يو ډول لږې خطرناکې وبا څرک موندلى دى .

د نړۍ نور خبرونه د دې ځاى په کېکاږلو ترلاسه کولى شئ