حکيم سمسور کابل

	ولسي جرگه د خپلې کړنلارې په تصويبولو بوخته ده چې شل فصلونه او يو سلو دولس مادې لري

د ولسي جرگې د غړو تر مينځ له اوږدو او جنجالي بحثونو وروسته ، د ولسي جرگې په کړنلارې کې دغه ماده تصويب شوه چې پارلماني ډلې دسيمه ييزو ، شخصي ، مذهبي ، ژبنيو او قامي گټو پر بنسټ جوړيداى نشي.

خو دغه پريکړه داسې مهال شوې چې د ولسي جرگې يو شمير غړي شکايت کوي چې همدا اوس ، دقامي ، ژبنيو ، تنظيمي او شخصي گټو له مخې په پارلمان کې د ډلو د جوړولو لپاره هڅې رواني دي .

د ولسي جرگې د کار پر کړنلارې د اوږدو بحثونو په ترڅ کې چې د تيرو پنځو ورځو راهيسې روان دي ،د ولسي جرگې غړو د چارشنبې نژدې ټوله ورځ ، د يوي مادي پر دوو بندونو پر بحثونو تيره کړه .

دولسي جرگې غړي پر دې نه سره سلا کيدل چې کومې ډلې چې پارلمان کې به جوړيږي سياسي وبللې شي او که پارلماني .

ډيريو غړو په پارلمان کې فعا ليتونه سياسي بلل او ټينگار يې داو چې په پارلمان کې رامينځته کيدونکې ډلې دې هم سياسي وبللې شي .

خو پاتو استازو بيا په دې استدلال چې گواکې د افغانستان خلک سياسي ويوکې يا اصطلاح نه خوښوي ټينگار يې داو چې د سياسي پر ځاى دې دغه ډلې په پارلماني ډلو يادې شي چې ، د دويم وړانديز تله درنه وختله او د جرگې غړي پرې سلا شول .

خو دا چې دغه ډلې دې دکومو ارزښتونو او بنسټونو له مخې رامينځته شي ، په دې برخه کې هم د استازو تر مينځ ژور اختلافونه وو .

د ولسي جرگې دغړي ډاکتر عبدالکبير رنجبر وړانډيز دا و چې د هيواد د اساسي قانون د غوښتنو په پام کې نيولو او په هيواد کې دملي يووالي د ټينگيدو لپاره بايد دا قيد شي کومي ډلې چې رامينځته کيږي دوه دريمه برخه غړي يې د يوه قام څخه نه وي .

(( هيڅ ډله د شخصي ، سيمه ييزو ، مسلکي ، ژبنيو ، مذ هبي او قومي گټو د څرگندويې لپاره جوړېدلې نه شي او بايد چې دوه درېمه برخه غړي يې د يوه قام څخه نه وي .))

خو دولسي جرگې يو شمير غړي بيا له دې قيد سره مخالف وو چې د ډلې څومره غړي دې د يو ه قام کسان وي . د گڼو نورو وړانډيزونو په ترڅ کې د ولسي جرگې غړي عبدالرب رسول سياف وويل چې ښه به داوي چې دغه ماده دې داسي سمه کړاى شي چې دغه ډلې د سيمه ييزو ، قومي ، ژبني او مذهبي تړاوونو له مخې رامينځته کيداى نه شي .

د ولسي جرگې يو شمير غړي شکايت کوي چې همدا اوس ، دقامي ، ژبنيو ، تنظيمي او شخصي گټو له مخې په پارلمان کې د ډلو د جوړولو لپاره هڅې رواني دي

خو ولسي جرگې داسې مهال دغه پريکړه وکړه چې يو شمير استازي ادعا کوي چې همدا اوس پر همدغو بنسټونو د ډلو د جوړولو لپاره هڅې روانې دي .

بل لورته ، د ولسي جرگې پر مټه يا پڅ کار هم نيوکې کيږي . ځکه په پنځو تيرو ورځو کې استازي ايله توانېدلي چې د کړنلارې ١٣ مادي پورې تصويب کړي . دغه کړنلاره ٢٠ فصلونه او يو ١١٢مادې لري

د افغانستان نور خبرونه د دې ځاى په کېکاږلو ترلاسه کړئ