عبد الما لک عا صم له كابله

	اعظم دادفر وايي له ايران او پاکستان څخه ٧٠٠ زره کډوال تير کال په خپله خوښه خپل ټاټوبي ته ستانه شول

نوموړى په يوه خبرى کنفرانس داخبره وروسته له هغه وکړه چې دالمان دهامبورگ د ښار په گډون له يو شمېر اروپايي هيوادونوڅخه دافغانانو د په زور اپستلو خبرونه ورکول شو .

ښاغلي دادفر وويلي چې په دې هکله دافغانستان حکومت له هېڅ هېواد سره دوه اړخېز تړون نه دى لاسلېک کړى چې افغانان دى په زور راوشړي بلکې د ددوى تگلاره داده چې بايد افغانان په خپله خوښه راشي او په دې اړه له ټولو هيوادونوسره ورته خبرې شوي او کېږي .

د کډوالو د چارو وزېر همدارنگه وويل چې سږکال يې ټول هغه کډوال په کورونو کې ځاي پر ځاي کړى چې تېر ژمى او اوړى ېې په خيمو کې تېر کړو او اوس هېڅ کورنۍ په خېمه کې نه ده پاتې .

خو که له يوې خوا يو شميرهمدغه په کورونو کې ځاى پرځاى شوي کډوال شکايت کوي چې ورکول شوي کورونه نه دروازې لرې اونه کړکۍ او دولت ورسره هېڅ مرسته نه ده کړې بل خوا بېا لاهم ځيني کورنۍ په خيمو کې ژوند کوي او ددغه ډول کوټو غوښتونکي دي . دوه تنه همداډول ښځې د کډوالو وزارت ته راغلې وې او ويل ېې چې د کابل د سيا سنگ په سيمه کې په خيمه کې له يخ نه سخت په عذاب دي .

خود کډوالو وزېر اعظم دادفر وايي چې يوشمير کوچېان کډوال نه غواړي چې د خپلو څاروېو لپاره په کورونو کې ژوند وکړي. ده وويل کډوالو ته يې سږ کال دکور جوړولو لپاره ېوه ېوه ټوټۀځمکه ورکړې او په لسگونو زره مهاجرو کورنېوته به په راتلونکي پسرلي کې د کور جوړولو لپاره په خپل اصلي ولايت کې ځمکه ورکړي .

په تېرو ٤ کلونو کې څه باندى څلور ميليونه افغان کډوال هېواد ته راستانه شوي چې زېاتره يې له ايران او پاکستان څخه راغلي خو ددغو کډوالو يو زېات شمېر ېې د استوگنځي او کار له نشتوالي څخه سرټکوى .

د افغانستان په باب نور خبرونه د دې ځاى په کېکاږلو ترلاسه کړئ