 |  په ايران کې څه ناڅه يو ميلون افغان کډوال اوسيږي | ټاکل شوې ده چې په بروکسل کې د کډوالو په اړه يوه غونډه افغانستان ته او له افغانستان نه د کډوالو د تگ راتگ د سمبالولو په اړه پيل شي. د اروپا د اتحادي کميسيون او د ملگرو ملتونو د کډوالو د ټولنې کمشنرۍ دا غونډه سمبال کړې ده . همدې ټولنو په تيرو دريو کلونو کې د تقريبا درې ميليونه افغان کډوالو د بيرته ستنيدو په چارو کې مرسته کړې وه . د ٢٠ کلنې لانجې را هيسي څه نا څه پنځه ميليونه افغانانو خپل کورونه پريښې وو چې ډير يي گاونډيو هېوادونو ، پاکستان او ايران ته کډه شوي وو |