د کډوالو افغان وزارت وايي لومړيتوب هغو کډوالو ته ورکوي چې سرپناه نه لري .

نوى ښار گوټى ، د کابل ښار شمال په ٣٠ کېلو ميتري ، د قره باغ ولسوالۍ د بارېک اب په سېمه کې پروت دى .

په پام کې ده چې دلته ، څه باندې ٣٠٠٠٠ افغان کډوالو ته چې کورونه نلري ، ځمکي ووېشلي شي .

ددغو ځمکو يو ه نمره به درې سوه متره مربع وي چې کډوال به يې په ٤٠٠٠ افغانيو له دولت څخه راونيسي .

په افغانستان کې د راستنېدونکو چارو وز ير محمد اعظم دادفر وايې چې په لومړي سرکې به په دغه ښارگوټي کې ، هغو څه باندې ٣٠٠٠کډوالو کورنيو ته ځمکي وويشلي شي چې دامهال ، د کابل ښار د بېلابېلو سيموپه کنډوالو او خيمو کې ژوند کوي .

دارنگه نوموړي ، پر مرسته ورکوونکو هيوادونو او نادولتي نړيوالو موسسو غږ وکړ چې له دغو کډوالو سره مرسته وکړي چى د ژمې له ېخنۍ څخه مخکې ځا ته سر پناه جوړه کړي .

خو دده په وينا چې د کور او ښار جوړولوو او کليو او پر اختيا وزارتونه ، کابل ښاروالي او دملگرو ملتونو پرمختايې ادار ه ، يو اين ډي پې به په ښار گوټي کې اوبه ، برېښنا او نور ټولنېز خدمتونه برابر کړي .

د هيواد په کچه دا ٢٦ ښارگوټى دى چې د راستنېدونکو چارو وزارت په هڅو ، کډوالو لپاره جوړېږې . خو دغه ښار گوټي نشي کولي چې د کور په برخه کې ، په تېرو دري کلونو کې هېواد ته د راستنو شويو څه باندې درېو ميليونو افغان کډوالو ستونزي وراواري کړي . ځکه ډيرى دغه خلک د بې روزگاري او بېوزلي تر څنگ د استوگنې کورونه هم نلرې .

خو دا پداسې حال کې ده چې ښاغلى دادفر وايې چى ددغې ستونزي د اواري لپاره ، دوى پلان لري چې په څو راتلونکو کلونو کې نژدي دوه ميليونو افغان کډووالو ته ځمکي ووېشي .