حکيم سمسور له کابله

	پر امريکايي سرتيرو تور لگيدلى دى چې د غليم مړي يې سوځولي دي .

دغه پېښه ، په افغانستان کې تر پارلمانې ټاکنو څخه دمخه ، هغه مهال رامېنځته شوه چى د يوۀ کمېن په ترڅ کې يو امريکايي پو ځي او دوه مخالف اورپکې ووژل شول .

ديوۀ امريکايي پو ځي له خولې ويل شوي چې دمخالفو اورپکو دغه مړي تر ٢٤ ساعته په ازاده هوا کې پراته وو او گواکې د روغتيايي لاملونو له کبله يې وسوځول .

خو دا له مخالفو جنگياليو سره د چلند په اړه د ژنيو د تړونونو ښکاره تر پښو لاندې کول او د خلکو د عقيدو او باورونو سپکاوى دى .

د پلټني د پېل په اړه په بگرام کې د امريکا د پوځونو له هوايې اډې څخه په خپرې شوې خبر پاڼه کې راغلي چې په دغو پلټنو کې به چې د پوځ د جنايې پلټنو څانگه ېې پر مخ وړي د مخالفو اورپکو د مړو د سوځېدو په گډون د ټولو هغو ادعاوو سپيناوي وشي چى وايې امريکايي پو ځيان د ترهگرۍ په وړاندې د عملياتو په ترڅ کې له خلکو او د مخالفو اورپکو له نيول شويوو کسانو سره ناوړه چلند کوي .

د هيچا مړي ته بايد سپکاوى ونه شي . د ولسمشر کرزي وياند

په افغانستان کې دامريکا د ٧٦-مې قطعې قوماندان ، جنرال جاسون کمېېا وايې که پر چا د ناوړه چلند ، د پېښو د تر سره کېدو تورونه سپين شي نو د دۀ په وېنا به د هغو په وړاندې د پو ځي ېو نفورم د قانون تر مخه ، گام پورته شي .

په همدې ترڅ کې د ولسمشر کرزي وياند کريم رحيمي بي بي سي ته وويل چې افغان حکومت هم په دې اړه خپلې پلټنې پيل کړي دي .

د ولسمشر کرزي وياند زياته کړه چې د دوى دريځ تل دا وو او دى چې د هيچا مړي ته بايد سپکاوى ونه شي .