 | | | د طالب وسله والو له خوا د بريدونو خبر به لطيف الله حکيمي ورکاوۀ . |
د پاکستان د بهرنيو چارو يوې وياندې ويلي چې لا تر اوسه افغانستان د طالبانو د نيول شوي وياند لطيف الله حکيمي د ورسپارلو غوښتنه نه ده کړې . دا په داسې حال کې ده چې وړمه ورځ د افغانستان د ولسمشرۍ يوۀ وياند د حکيمي د نيولو له ستاينې سره غوښتي و چې هغه وروسپارل شي . خو پاکستان وايي چې دغه غوښتنه رسمآ له دوى نه ده شوې . په همدې ترڅ کې د پاکستان او افغانستان ترمنځ د مجرمانو د سپارنې کوم تړون نشته خو پاکستان د طالبانو د حکومت له نسکوريدو راهيسته يو شمير نيول شوي کسان په افغانستان کې د متحدو ايالاتو پوځ ته سپارلي دي . لطيف الله حکيمي د سه شنبه په ورځ د پاکستان د بلوچستان په ايالت کې نيول شوى و . دۀ په افغانستان کې د طالبانو له لورې د کيدونکو بريدونو خبر نړيوالو خپرندويو رسنيو ته ورکاوۀ . | 
دا پاڼه کوم ملگري ته ولېږئ
چاپي بڼه
