د بي بي سي د نړيوال سرويس د اسيا پاسيفيک برخې يوۀ ريس ، نازش افروز د افغانستان د بدخشان ولايت ته په دې وروستيو کې تللى و ، د دۀ په کامرې اخيستل شوي ځينې عکسونه وينئ .
د افغانستان د بدخشان ولايت د لوړو غرونو وطن دى چې ان په دوبي کې يې لا ځينې غرونه په واورو پوښلي وي .
د بدخشان ولايت منځنۍ اسيا ته د مخدره توکو د قاچاق يوه لاره بلل کيږي ، خو افغان چارواکي وايي تل يې د قاچاق مخه ډب کړې وي او نيول شوي توکي د ټولو په وړاندې سوځوي.
مخدره توکي په کور دننه هم ځايي خلک ځوروي او هغه چې بختور دي وروسته يې درملنه کيږي
د افغانستان د نورو ولايتونو غوندې بدخشان هم د شوروي اتحاد د ځواکونو په وړاندې د سختو جگړو شاهد و ، د هغه پېر او راوروسته جگړو نخښې نښانې لا هم تر سترگو کيږي .
په بدخشان کې د ښوونې و روزنې چارې تر ډيرو نورو ولايتونو ښې روانې دي ، دغلته د هلکانو تر څنگ نجونې هم ښوونې و روزنې ته لار لري او کورنۍ يې هڅوي چې درس ووايي .
د بدخشان نجونې او ميرمنې په ورځني ژوند کې فعاله ونډه اخلي
د بدخشان درې شنې زرغونې دي ، غرونه يې په واورو پوښلي ، په پسرلي کې يې هوا خورا خوندوره وي .
