ننگرهار د گلو هار په انځورونو کې

د امان الله خان مېنې ساحه ښکلې او شنه معلوميږي ددې سيمې چاپيريال او هوا د جلال آباد ښار پرتله پاکه او ښکلې بريښي ، د سړک غاړې شنو نيالګيو او ونو هم د مېنې ښکلا زياته کړې ده

د امان الله خان مېنې پارکونه او شنه چمنونه خوندور دي خو د ننگرهار گرمه هوا برېښنا هم غواړي د پروژې مسوولين وايي ډيزلي برېښنا يې چمتو کړې ده .

د پروژې سړکونه پاخۀ دي او مسوولين وايي په دې ټولې پروژې څه باندې سل ميليونه ډالر لگولي يا يې لگوي .

په دغه مېنه کې يو شمېر خلک وايي د ځانونو لپاره استوګن ځاى نه شي اخيستلى او دليل يې دا راوړي چې د ځمکې بيه يې لوړه ده او تر څنګ يې په لوړ معيار کور جوړول هم د زياتو خلکو له توانه پوره نه وي.

ځينې خلک دا هم وايي چې که چېرته دوى ته په قسط په دې پروژه کې ځمکې ورکول شوى واى ،نو دا به د پروژې په چټک برياليتوب کې اغېزمن تمام شوي و ، خو د پروژې انجينران وايي چې دوى د قسط لپاره پلان نه لري او دا هم حتمي نه ده چې په ډېر لګښت دې په مېنه کې کورونه جوړ شي .