تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
چینايۍ پېغلې ولې عامر خان حیران کړ؟
د چین شنکیانګ سیمې یوې پېغلې هغه سندره پر ځايي خواله رسنۍ 'ویبو ' ډېره لاس پر لاسه کېږي چې په هندي ژبه یې ویلې.
په ویډیو کې دغه نجلۍ داسې حال کې لیدله کېږي چې د بالیووډ ستوري عامر خان د فلم 'سیکرټ سپر سټار ' نومي فلم یوه سندره 'می نچدي پیرا ' سندره بولي.
چینايي نجلۍ دغه سندره داسې حال کې وايي، چې عامر خان خپله هم هلته ناست لیدل کېږي.
نوموړی دا وروستیو کې د خپل نوي فلم 'ټهګز اف هندوستان ' تبلغاتي کمپاین لپاره چین ته تللی دی.
عامر خان د د دغې نجلۍ د هنر ستاینه کوي او وايي 'دا خورا مشکله سندره ده، خو تا ډېره ښه وویله. ' له دې وروسته نجلۍ عامر خان ته یوه خولۍ ډالۍ کوي چې د ځايي نارینه وو کلتوري دود بلل کېږي.
دغه ویډیويي کلیپ د دسمبر میاشتې پر اتلسمه نېټه خپور شوی او تر اوسه پورې زرګونو کسانو لیدلې او یا یې له نورو سره شریک کړی دی.
ټهګز اف هندوستان په چین کې د دسمبر پر ۲۸ مه نندارې ته وړاندې کېږي او عامر خان به یې د مشهورولو لپاره تر لسو ورځو پورې کمپاین کوي.
د خواله رسنۍ جیهو له لارې عامر خان د چینایانو مننه کړې او په وینا یې د چین خلکو مینې یې په زړه کې ځای نیولی.
