تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
چمن کې د پاسپورټ پالیسۍ خلاف لاریونوالو له نیول کېدو وروسته وضعیت کړکېچن شوی
په سویلي پښتونخوا کې له کندهار سره نږدې چمن کې د تېرې شپې راهیسې د لاریونوالو او اعتراض کوونکو له نیولو وروسته وضعیت کړکېچن ښکاري.
د پاکستاني پولیسو لخوا د خلکو د نیولو په غبرګون نن سې شنبه په چمن ښار کې ټول کاروباري مرکزونه بند وو او تر څنګ یې اعتراض کوونکو د کوټې او کندهار تر منځ لویه لار هم تړلې ده.
چمن کې د تېرو څه باندې څلورو میاشتو راهیسې پرلت او لاریونونه روان دي.
د زرګونو کسانو دا پرلت د پاکستان د حکومت د هغې پرېکړې په غبرګون پیل شوی چې پر ډيورنډ کرښه د اوښتو را اوښتو لپاره پاسپورت حتمي کوي.
دا له افغانستان سره د ډیورنډ پر کرښه او چمن کې د تاریخ تر ټولو اوږدمهاله اعتراض بلل کېږي.
پرلت کوونکي چې ډېری یې د سوېلي پښتونخوا اوسېدونکي دي، ادعا کوي چې پر ډيورنډ کرښه اغزن تار او سختو پالیسیو بې وزله کړي او سره وېشلي یې دي
دوی وايي ژوند یې په سوداګرۍ روان و خو افغانستان خوا ته په اوښتو کې له خنډونو جوړېدو وروسته ژوند په ټپه ولاړ دی او کله به هم چا ته اجازه ورنکړي چې دغه "ظالمانه" پرېکړه عملي کړي.
په دې لړ کې وړمه ورځ یو زیات شمېر اعتراض کوونکو چمن ښار کې د پاسپورټ دفتر مخه وتړله خو پولیسو یې پر وړاندې سخت غبرګون ښکاره کړ.
ویل کېږي پاکستاني پولیسو د پاسپورټ دفتر پر وړاندې د اعتراض کوونکو څخه شاوخوا لس کسان نیولي او له ځانه سره یې وړي دي.
پولیسو د لاریونوالو کانټېنرونه او هغه وسایل هم لېرې کړي چې د پاسپورټ د دفتر لارې یې پرې بندې کړې وې.
په چمن کې د پرلت د تنظیمونکې کمیټې یوه ویاند صادق خان اڅکزي ویلي پولیسو د شپې لخوا عملیات کړي او له لسو ډېر کسان یې نیولي دي.
له چمن څخه وروستي رپوټونه وايي چې د دغو نیولو خلاف نن په چمن کې ټول کاروباري ځایونه تړلې وو.
قهرجنو لاریونوالو به ځینو دولتي دفترونو هم یرغل کړی خو پولیسو پرې هوایې ډزې کړي او د اعتراض کونکو د پاشلو هڅه یې کړې ده.
په همدې لړ کې د بلوچستان د اطلاعاتو سرپرست وزیر جان محمد اڅکزي ویلي لاریونوالو ته له تېرو څو میاشتو راهیسې د سوله ییز اعتراض او پرلت اجازه ورکړل شوې خو د پاسپورټ دفتر بندولو خلاف پولیس لاس په کار شوي او ځینې تورن کسان یې نیولي دي.
هغه ویلي حکومت پرېکړه کړې چې تګ راتګ باید په پاسپورټ وي ځکه نو د دې کار خلاف هېڅ خنډ ورته د منلو وړ نه دی.
هغه ګواښ کړی چې د هغو کسانو پر وړاندې به سخت ګام واخيستل شي چې د مرکزي پرېکړو یا قانون خلاف درېږي.
هغه ویلي حکومت پرېکړه کړې چې تګ راتګ باید په پاسپورټ وي ځکه نو د دې کار خلاف هېڅ خنډ ورته د منلو وړ نه دی.
هغه ګواښ کړی چې د هغو کسانو پر وړاندې به سخت ګام واخيستل شي چې د مرکزي پرېکړو یا قانون خلاف درېږي.
