د ترکیې زلزله: له پېښې مخکې او وروسته انځورونه

د لومړۍ زلزلې مرکز غازیعنتاب (ګزینتپ) ښار ته نژدې ښودل شوی، دا ښار تر دوو میلیونو ډېر وګړي لري. ګن خلک د زلزلې د لړزې له کبله له کورونو کوڅو ته راووتل.

د ښار مانۍ، چې څه باندې ۲۰۰۰ کلونه ولاړه وه، سخته زیانمنه شوې ده. د تپې پر سر دا ماڼۍ د روم امپراتورۍ پرمهال جوړه شوې. وروستیو کې دا ماڼۍ پر موزیم اړول شوې وه.

د ملاتیا یاني تاریخي جامع جومات د زلزلې له مرکزه شاوخوا ۱۰۰ میله لیرې پروت دی چې زلزلې سخت زیانمن کړی. مناره یې رالوېدلې ده. دا جومات د ۱۸۹۴ کال زلزله کې هم سخت ویجاړ شوی و او تر بېرته رغونې وروسته، د ۱۹۶۴ کال یوې بلې زلزلې هم سخت زیانمن کړ.

د مدیترانې سمندرغاړې ښار اسکندروم کې دا ودانۍ زلزلې راغورځولې دي. سندروم په هتای ولایت کې پروت دی.

د سوریې په لر و بر کې د ودانیو ویجاړېدو تر ۱۲۰۰ ډېر کسان وژلي دي. په تاریخي او لرغوني حلب ښار کې - چې د یوې لسیزې جګړې هم زیانمن کړی و- زلزلې لا نور زیانمن کړی دی.

په بسنیا- بسینه کلي کې د سوداګریزو ودانیو کنډوالې ښکاري.