هسپانيه په افغانستان کې څۀ کم ٧٠٠ سرتېري لري چې ډېرى يې د ناټو په مشرۍ د ايساف ځواکونو په چوکاټ کې د افغانستان په لوېديځ کې مېشت دي

په مادريد کې د دفاع وزارت وايي دوه نور سرتېري يې سخت ټپيان شوي او د دوى يو ايرانى ژباړونکى هم وژل شوى دى.

دا مرگ ژوبله د بالابلوک ولسوالۍ په شيوان سيمه کې د هسپانوي ځواکونو پر يوې گزمې باندې د سړک د غاړې د چاودنې لامله رامنځته شوې ده.

هسپانيه په افغانستان کې څۀ کم ٧٠٠ سرتېري لري چې ډېرى يې د ناټو په مشرۍ د ايساف ځواکونو په چوکاټ کې د افغانستان په لوېديځ کې مېشت دي.

له دې سره په افغانستان کې په روان زېږديز کال کې د وژل شويو بهرنيو سرتېرو شمېره ١٧٧ ته رسېږي، چې ډېرى يې د ناټو له ځواکونو څخه دي.

فراه د افغانستان په لوېديځ کې تر ټولو نارامه ولايت دى چې پر افغان او بهرنيو ځواکونو باندې پکې وخت په وخت بريدونه کېږي.

همدلته تېره ورځ هم د يوۀ خصوصي امريکايي امنيتي شرکت درې کار کوونکي او د چارواکو په خبره، ٢١ وسله وال طالبان په يوه نښته کې وژل شوي دي.