تقوا: د دهلیز په منځ کې ځانمرګی برید وشو

د تخار والي عبدالجبار تقوا پر امنيتي چارواکو د ځانمرګي برید په اړه بي بي سي ته وویل:

''موږ یوه ډېره لنډه غونډه درلوده ، چې شاوخوا شل – پنځه ویشت دقیقې یې دوام وکړ ، ښاغلی قومندان جنرال کنایپ او د جنرال داود داود په ګډون یو شمېر نور قومندانان هم راغلي ول ، د ملي امنیت امر او د تخار امنیه قومندان هم حضور درلود ، کله چې ناسته پایته ورسېده ، زه او جنرال کنایپ تقریباً د ودانۍ بهر ته له دهلیز څخه ته راووتلو ، یو وېروونکی غږ مو واورېد ، هېڅ پوی نه شوو چې څه وشول او د څه شي غږ و ، له چاودنې شېبه وروسته موږ روغتون ته یوړول شوو ، دا کار د دهلیز په منځ کې شوی ، چې د وخت په تېرېدو به زموږ امنیتي ځواکونه او پلټنې اصلي حقیقت په ډاګه کړي .''