د قطر منځګړتوب؛ موخې او لګښتونه

په وروستیو کې د ایران او امریکا ترمنځ خبرو کې چې د ایران او نړیوالې ټولې ترمنځ اتومي هوکړې او پنځو جمع یو هېوادونو ترمنځ د اړیکو د ترینګلتیا بېرته رغولو کې د قطر کوربتوب بریا ته ونه رسېد.

د ایران او پنځو جمع یو هېوادونو ترمنځ د ایران د اتومي هڅو په تړاو په ۲۰۱۵ کې هوکړه شوې وه.

دا لومړی ځل نه دی چې قطر په منځني ختیځ او نورو هېوادونو کې د ښکېلو غاړو ترمنځ او شخړو د حل په موخه د خبرو او مذاکراتو کوربتوب کوي.‌

له څه باندې یوې لسیزې راهیسې قطر د منځني ختیځ په بېلابېلو شخړو کې د منځګړي رول لوبولی، چې ځینې وخت یې هڅو او کوربتوب ښه پایله هم لرلې ده، خو ځینې وخت بیا بې پایلې وه.

مهمو قضیو کې د دوحې منځګړتوب:

لا ډېر فعالیت

کله چې شیخ حمد بن خلیفه آل ثاني واک ته ورسېد، قطر د ښکېلو غاړو ترمنځ د هوکړې او مذاکراتو د کوربتوب چاره چټکه کړه.

له ۱۹۹۷ کال راهیسې قطر نړیوالو بازارونو ته د تېلو واردولو کار چټک کړ، چې په دې سره ډېره اقتصادي وده وکړه.

په څه کمو لسو کلونو کې قطر د نړۍ د لویو ګازو تولیدوونکو هېوادونو په نوملړ کې ځای ونیو، چې د ۲۰۰۰ او ۲۰۱۱ کلونو ترمنځ موده کې یې د خالص ملي کلني عاید کچه په سلو کې ۱۳ سلنه لوړه شوه او د سړي سر کلنی عاید یې په ۲۰۱۵ کال کې تر سل زرو ډالرو لوړ شو.

الجزیره تلوېزیون هم د تېرې پېړۍ وروستۍ لسیزه کې د قطر په محبوبیت کې ډېر رول لوبولی او په عربي نړۍ کې یې خپل نفوذ ‌ډېر کړی.