تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
غزني کې د دوو ولسوالیو د امنیه قومندانانو او ۱۵ طالبانو وژل کېدل
د افغانستان مرکزي ولایت غزني کې چارواکي وايي، د جمعې په ورځ سهار د ناوې امنیه قومندان رحمت الله مبارز ماین چاودنه کې ووژل شو.
د غزني د پولیسو مطبوعاتي دفتر بي بي سي ته وویل، ښاغلی مبارز د ده یک ولسوالۍ د امنیه قومندان جاوېد د مړي راوړلو لپاره تللی و چې ستنېدو کې چاودنه پرې وشوه.
وروستیو کې د غزني مختلفو ولسوالیو کې د طالبانو بریدونه ډېر شوي او دې دوو ورځو کې د دوو ولسوالیو امنیه قومندانان وژل کېږي.
ده یک غزني ښار ته تر ټولو نږدې ولسوالي ده او د ۲۰۱۸ کال اګسټ کې د طالبانو لاس ته د غزني ښار ور تللو سره دا ولسوالي هم د طالبانو ولکې ته ولوېده، خو یو کال وروسته حکومت بیا ونیوله.
ناوه ولسوالي هم له پنځلسو ډېر کلونو راهیسې د طالبانو واک کې ده.
دا ولسوالي د غزنۍ ښار سوېل ته پرته ده او د بادني په نوم سیمې له لارې له ډیورنډ کرښې سره ګډه پوله لري.
په بله پېښه کې د غزني چارواکي د ولایتي ښار په څنډو کې د ۱۵ طالبانو د وژلو دعوه کوي.
د غزني د والي ویاند واحدالله جمعه زاده وايي، دا وسلوال پر امنیتي پوستو د برید پر مهال هوايي برید کې ووژل شول.
د افغانستان لوېدیځ ته په هرات کې هم چارواکي وايي، پښتون زرغون ولسوالۍ کې یې هوايي برید سره ۷ طالبان ووژل.
وسلوالو طالبانو د حکومت د دې ادعاوو په هکله څه نه دي ویلي.
