اسهالي ناروغي هرکال د ډيرو خلکو دژوند ډيوه وژني

په دې کتاب کې موږ هڅه کړې چې دکيسو دشتمن او مروج دود له لارې په يوه ځانګړي نوښت سره ورځنۍ مهمې مسئلې بيان کړو او د پاملرنې وړ صحي پيغامونو ته پکې ځاى ورکړو او په دې ډول د ماشوم دادبياتو په برخه کې ديوه نوښت بنسټ کيږدو.

اسهالي ناروغي هرکال د ډيرو خلکو دژوند ډيوه وژني. نظافت اوپاکۍ ته ژوره پاملرنه په آسانۍ سره کولاى شي چې ددى ناروغيو مخه ونيسي. په ضروري وختونو کې له صابون څخه کار اخيستل هم دانسانانو پاکۍ او روغتيا ته ډيره ګټه رسولاى شي.

دا کيسه ”طيبې سهيلا“ چې ماشومانو ته د آثارو په ليکلو کې ډيره تجربه لري ليکلې ده. د دې د شتمنو تجربو له مخې موږ وکولاى شول کيسه داسې طرح کړو چې هم په پاکۍ او صفايۍ او هم دروغتيايي حالت په ښه کولو کې د صابون ونډه روښانه او په ګوته شي.

کتاب په دوو ډيرو ضروري وختونو کي له صابون څخه په کار اخيستلو ټينګار کوي؛ لومړى د ډوډۍ له خوړلو مخکې او دوهم تشناب ته له تگ نه وروسته.

کتاب به يوازې هغه وخت ګټوروي چې لوستونکى د هغه پيغام خپلې کورنۍ او نورو دوستانو ته ورسوي او پرهغو ټينګار وکړي چې دکيسې پر پيغام عمل وکړي.

هيله من يو چې لو ستونکي نور خلک هم د کتاب په لوستلوکې ورګډ کړي او دکتاب په باب له خپلو نظرياتو نه موږ هم خبر کړي.