 | | | طلايي کب زموږ ټولو لپاره يو لوى درس لري |
دا کيسه له هغو ليکونو څخه غوره شوې چې د " نوي کور، نوي ژوند" د ډرامې اورېدونکو او د افغان نشراتي ادارې د خپرونو لوستونکو دې ادارې ته را استولي دي. دا په زړه پورې لاس ته راوړنه ثابتوي چې زموږ لوستونکي او اورېدونکي د افغاني شفاهي فرهنګ په ثبتولو او خوندي ساتلو کې برخه اخلي او همدا زموږ د عمده اهدافو څخه يو هدف دى. له " طلايي کب" څخه مخکې هم دوه کيسې د کتابونو د لوستونکو له خوا له راغليو ليکونو څخه خپرې شوې وې چې يوه يې " غنم لو" او بله يې " پوزى اوبدونکى" وه. طلايي کب زموږ ټولو لپاره يو لوى درس لري او هغه دا چې: يوازې دا کافي نه ده چې بې ځايه خيالونه ولرو او د ژوند بدرنګۍ هېرې کړو. هغه خبره چې تر ټولو ډېر زيات ارزښت لري، دا ده چې د خپلو هيلو د تر سره کولو لپاره بايد حرکت وکړو او د خپل ژوند له ناخوالو او ماتو سره له مثبتو لارو مقابله وکړو. د” طلايې کب” کيسه محترم (( خان زمان مطمين تڼيوال )) له جنوبي وزير ستان څخه ليکلې او موږ ته يې رالېږلې ده. موږ له خپلو نورو اورېدونکو او لوستونکو څخه هم دا هيله لرو چې په دې کار کې ونډه واخلي او هغه کيسې موږ ته راواستوئ چې روايت يې د دوى په سيمو او ټولنو کې دود دى.
| 
له ناظرتر تجلا