اجمل فطرت

	شاهين ترپړانګ ړومبی ټاکلي ځای ته ورسېد، خوزمري دواړه دسيالۍ ګټونکي اعلان کړل.

له دې ځايه واورﺉ!

ملاچرګک او بيزو دنورو په استازيتوب خبرې وکړي. ملاچرګک وويل، چې مرغانو د ځنګل ټوله فضاپه خپلوخوږ سندروښکلې کړېده.

بيزو وويل، چې دحيواناتو په ګرځېدو او مستۍ ځنګل ډېرښکلی ښکاري، چې دې خبرې دملاچرګک غوسه راوپاروله.

ملاچرګک بيزوته د مرغانواو حيواناتوترمنځ دمنډو دسيالۍ بلنه ورکړه، چې بيزو هم ومنله.

بيزو دنورو په مشوره پړانګ دسيالۍ لپاره غوره وګاڼه او له هغه څخه يې دمنډولپاره دتياري غوښتنه وکړه.

الوتونکو ددې موخې لپاره شاهين ته دنده وسپارله. څو ورځې وروسته دځنګل پاچا دحيواناتو او الوتونکوترمنځ دسيالۍ دليدلولپاره راغی.

	د ځنګل پاچا، زمری ډېرمهربان او هر وخت به يې دحيواناتواوالوتونکو پوښتنه کوله.

سيالۍ پيل او شاهين په ډېر ګړنديتوب دتماشاچيانوله مخې تېرشو، چې پدې مهال پړانګ هم په مستو او اوږدو ګاموتېر شو.

دسيالۍپه پای کې شاهين لومړی ټاکلي ځای ته ورسېد، خوپاچا ددې لپاره، چې پړانګ هم په خپل تګ کې مهارت وښود، دواړه ګټونکي اعلان او سوغاتونه يې ورکړل.