اسما کاکړ

	که چېرې موپښې اولاسونه يخ ووهل، تر شلو دقيقوپورې يې په تودو اوبو کې کېږدئ.

له دې ځايه واورئ!

هغه ته پوښتنه پيدا شوه، چې ولې دسړي پښې او لاسونه يخ وهي، دځواب دموندلو لپاره پرده دار راوغوښت، چې هغه دشعر په ويلو پرده کش کړه.

دپردې ترشا جمشيد له خپلو انډيوالانوسره په چپلکوکې لوبې کولې او پښې يې يخ وهلې وې. پرده دار هغوی ټول خپلې جادويي خونې ته بوتلل.
.

هلته پرده دار په يوه لوښي کې تودې اوبه واچولې او له جمشېدنه وغوښتل، چې لاسونه اوپښې په اوبو کې کېږدي.

پداسې حالت کې لاسونه په اور يا بخارۍ تودول،درد ډېروي. پرده دار وويل، کله چې پښې او لاسونه ترډېره په سړه هواکې پاتې شي، رګونه تنګيږي.

پدې وخت کې د پښولوري ته د وينې جريان په ټپه دريږي، پښې تورېږي اوکېدای شي، چې پرې هم شي.

	کله چې سړی ترډېره په سړه هواکې پاتې شي، پښې اولاسونه يې يخ وهي او رګونه تنګيږي.

پرده دار ماشومانوته لارښوونه وکړه، چې کله له داسې حالت سره مخامخ شول، تر(20) دقيقوپورې دې لاسونه په تودو اوبو کې کيږدي، گرمې جامې دې واغوندي او تود چای دې وڅښي.

دنري شمال لګېدو دپرده دار پاملرنه د وخت پوره کېدو ته واړوله، له ماشومانوسره يې خدای پاماني وکړه اوپرده يې بېرته کش کړه.