اسما کاکړ

	په پزه ياستوني کې داضافي غوښې شتون هم په خوب کې دخرېدا لامل کيږي.

له دې ځايه واورئ!

جمشېد دوی هم په خوب کې دخرېدلو په راز نه پوهېدل. دتروم په وهلويې پرده دار راوغوښت او خبره يې له هغه سره شريکه کړه.

پرده داردشعرپه ويلوپرده کش کړه، چې ترشااسد په خپل بڼ کې ويده او خرېده. پرده دار اسد له خوب نه راويښ کړ، چې ساه يې بنده نشي.

اسد په خوب کې دخرېدو دراز په اړه وپوښتل.پرده دار وويل، کله چې څوک ستوني ستاغ خوب يوسي، دستوني عضلې سستې او مخ په ځوړکيږي.

پدې حالت کې اکسيجن په سمه توګه سږو ته نه رسيږي اوکاربن ډای اکسايدهم له بدن نه نشي خارجېدلای .

په پايله کې يې عضلې يوپر بل لګيږي او ځانګړی غږ توليدوي، چې خلک يې خرېدل بولي.

ددې ترڅنګ په پزه ياستوني کې داضافي غوښې شتون هم په خوب کې دخرېدا لامل کيږي.

	کله چې څوک ستوني ستاغ خوب يوسي، دستوني عضلې يې سستې اوخريږي.

ماشومانو له پرده دار نه د خرېدا دمخنيوي په هکله وپوښتل.پرده دار وويل، چې دوزن له زياتوالي دې مخنيوی وکړي.

ددې ترڅنګ دې له ډېر غټ بالښت نه ګټه نه اخلي، ستوني ستاغ دې نه بلکې هڅه دې وکړي، چې په يوه اړخ ويده شي.

دنري شمال لګېدل پرده دار دخپرونې د وخت پوره کېدوته متوجه کړ او له خدای پامانۍ سره يوځاې يې پرده هم بېرته کش کړه.