اسما کاکړ

	ترموز ګرم شيان سړېدوته نه پرېږدي، ساړه شيان هم کولای شو په ترموزکې هماغه شان ساړه وساتو.

له دې ځايه واورئ!

د پردې ترشا پرده دار ماشومانوته دترموز شيشه وښوده، چې ددوو شيشوله يوځای کېدو جوړه شوې او مينځ يې خالي و.

پرده دار ماشومانوته وويل، چې ددواړو شيشوترمنځ خلا په ترموز کې د تودو اوبو حرارت نه پرېږدي چې دباندې وځي.

ماشومانو وپوښتل، چې دشيشو تر منځ خلا څرنګه رامنځته کيږي، پداسې حال کې، چې هواپه هر ځای کې موجود وي.

پرده دار وويل، چې دترموز په بېخ کې دزخې په څېر يوځای ترسترګوکيږي، چې ترموز جوړوونکي موجوده هوا له هغه ځايه باسي.

همدا راز هغه ترموزونه ، چې شيشه نلري هم په همدې بڼه جوړ شوي دي اودترموز سرپوښ هم دوه پوښه لري.

	ترموز ددوو شيشوله يو ځای کېدو جوړيږي، چې ددواړوشيشوترمنځ خلا موجوده وي

ددې ترڅنګ چې ترموز ګرم شيان سړېدوته نه پرېږدي، ساړه شيان هم کولای شو په ترموزکې هماغه شان ساړه وساتولکه څرنګه چې دي.

دنري شمال په لګېدلو پرده دار ماشومان دوخت پوره کېدوته متوجه کړل او دپردې له کش کولو سره يې له هغوی سره خدای پاماني هم وکړه.