اسما کاکړ

	اوښ هغه حيوان دی چې تر (١٠) ورځوپورې په دښتوکې پرته له اوبو اوخوړو ژوند کولای شي.

له دې ځايه واورئ!

پرده دار دشعرپه ويلوپرده کش کړه. ترشايې ماشومانويو اوښ وليد چې نصواري رنګ ،اوږدې پښې، پېړې شونډې او پرشا يې کوهان درلود.

پرده دار وويل چې اوښ کولی شي د اوړي د ګرمۍ ، تندې اود اوبو او وښود کموالې سره مقاومت وکړي.

ځينې اوښان يوکوهان او ځينې يې دوه کوهانه لري. پرده دار په جادويي چشمو کې ماشومانوته د اوښ کوهان وښود.

هغوی په کوهان کې غو ړ او پلې ولېدلې چې اوښ ته يې انرژي ورکوله . اوښ په کوهان کې تر اوږدې مودې پورې اوبه ساتي.

کله چې اوښ ته ترډېرې مودې پورې اوبه او خواړه ونه رسيږي، کوهان يې کوچنی کيږي او ددې حيوان خوراک اغزي ،بوټي او دونو څانګې دي.

پرده دار ماشومانوته وويل چې اوښ ډېره غټه معده لري چې کولای شي په (١٥) دقيقوکې (٢٠٠) ليتره اوبه وڅښي.

	اوښ دومره لويه معده لري چې کولای شي په (١٥) دقيقوکې (٢٠٠) ليتره اوبه وڅښي.

اوښ له همدې اوبوڅخه په ګټې اخيستنې تر (١٠) ورځوپورې په دښتوکې پرته له اوبو اوخوړو ژوند کولای شي. عربانواوښ ته ددښتې کښتۍ نوم ورکړی دی.

اوښ کولای شي په هر راز شګلنو ځمکوکې پرته له خنډنه سفر وکړي. داوښ غوښه حلاله ، شيدې يې ګټورې او له وړيو يې هم ګټه اخلي.