ناجيه نجات

له دې ځايه واورئ!

صديقې وويل : جوړه دوه خورګانې دي ،څنګ په څنګ روانې دي، يو بل ته هيڅ نه ګوري ، خو يوه پر بلې ګرانې دي .

غفار د کيسۍ ځواب سترګې وباله چې بنجاري هم تاييدکړ اوله هغوئ يې وغوښتل چې دکيسۍ ويلو لوبې ته دوام ورکړي اوخپله بلې کوڅې ته ولاړ.

بلال خواشينې و، جميلې ترې دخپګان لامل وپوښت، بلال وويل چې خور يې درې افغا نۍ ورکړې چې په هره افغانۍ يې دوه ، دوه ژاولې راوړي .

جميله هم پوه نه شوه چې پدې وخت کې بنجاري راورسېد او خبره يې له هغه سره شريکه کړه.

	جوړه دوه خورګانې دي، څنګ ترڅنګ روانې دي، يو بل ته هيڅ نه ګوري خو يوه پر بلې ګرانې دي .

بنجاري د دوو ضرب زباني تر دريو پورې ويله اوپه هره افغانۍ يې دوه دوه دانې ژاولې کېښودې چې تر دريو وروسته شپږ دانې ژاولې شوې.

1×2=2 ، 2×2=4 ، 3×2=6

وروسته يې ماشومانوته سوغاتونه ورکړل اوترې ويې غوښتل چې په نورو شيانوهم ضرب زباني زده کړي اوخپله بلې کوڅې ته ولاړ.