ناجيه نجات

	زيړې پاڼې سرې پاڼې، منی شو خورې پاڼې، ما په هوا وليدې، ښکلې ګډيدې پاڼې.

له دې ځايه واورئ!

غوټۍ پېل کړه: زيړې پاڼې سرې پاڼې، منی شو خورې پاڼې، ما په هوا وليدې، ښکلې ګډيدې پاڼې، منی ښې ميوې لرې، تکې سرې مڼې لري.

نازيې او بنجاري ماما دويم ځل ورسره تکرار کړه او په پای کې دواړو ماشومانو له چمبې سره چې بنجاري وکړي وه وويله.

اجمل او نادر په ګډه چارمغز ګټلي وو. دواړه ورته پۀ ګډه ناست وو چې حساب يې کړي اجمل له خپل ملګري نادر نه وغوښتل چې څلور څلور وشمېري.

ويې ويل چې هم به يې حساب زر خلاص شي او هم به د څلورو ضرب زباني زده کړي. نادرته هم دا کار ښه وبرېښېدۀ.

دوي د يو بل په مرسته تر پنځو پورې د څلورو ضرب زباني وويل خو په شپږو کې بندپاتي شول په دې کې بنجاري راغي.

هغۀ وپوښتل چې پنځه څلوره څو کيږي؟ دواړو وويل شل کېږي. بنجاري ورڅخه وغوښتل چې څلور غوزان نور هم ورباندې زيات کړي.

	نادر په غوزانو د څلورو ضرب زباني زده کوله

اجمل پۀ شلو دپاسه څلور غوزان نور هم زيات کړل او معلومه شوه چې شپږ څلوره څلورويشت کېږي.

همداسې نادر ورباندې څلور غوزان نور هم زيات کړل. نادر وويل چې اوۀ څلورو اته ويشت کېږي.

په پای کې بنجاري يوه يوه څلويښت ورقيزه کتابچه تحفه ورکړه او له دې سره خپرونه پای ته ورسېده.