محمد عارف لودين

خپرونه له دې ځايه واور ئ!

دوی ته پوښتنه پيدا شوه چې تيږې به يې ولې رنګ کړې وي ؟ تروم يې وواهۀ پرده دار راغی، هغۀ پردې ته شعر ووايۀ، د پردې شا ته يو شپون، اکبر او شمس وو.

شپانۀ غونډۍ ته د اکبر او شمس دتلو مخنيوی وکړ، ورته يې وويل:"هلته ماينونه دي، هغه خلک وينئ چې د غونډۍ تيږو ته سور رنګ ورکوي".

پرده دار يې خواته ورغی، ويې ويل:"دا غونډۍ لۀ ماينونو نه ډکه ده ،ځکه هغه خلک يې تيږو ته سوررنګ ورکوي.

سور رنګ د خطر مانا لري او له ورايه ښکاري هم، نوځکه ماين لرونکی سيمې پر سرۀ رنګ په نښه کوي ".

	ماين پاکان چې د يوې سيمې ماينونه وباسي نو د خلکو د پوهېدا لپاره هلته سره بيرغونه ښخوي.

پرده دار ماشومان يوې غونډۍ ته بوتلل، دغونډۍ يوې خواته سرې نښې، بلې ډډې ته اسماني رنګه نښې او بل لور ته يې سمسوره سيمه وه، پرده دار پر يوې سرې تيږې منتر ووايۀ پۀ خبرو راغله.

تيږې وويل:" موږ په کنډوالو، ورانو کورنو او هغو ځايونو کې چې د خلکو تګ راتګ کم وي يو".

شمس پوښتنه وکړه:په ځينو سيمو کې سرۀ بيرغونه د څۀ لپاره لګېدلي وي؟ تيږی وويل:

" کله چې ماين پاکان د يوې سيمې ماينونه پاکوي نوهلته سره بيرغونه ښخوي چې خلک وپوهېږي ، دې سيمې ته مين پاکان راغلي او دا سيمه لۀ ما مينونو څخه پاکوي".

ماشومانو پوښتنه وکړه : اسماني رنګه تيږې د څۀ لپاره وي؟ اسماني رنګه تېږه هم د جادويي منترپۀ ويلو پۀ خبروراغله ، ويې ويل:

"پۀ هغو سيمو کې چې جنګ جګړې تېرې شوي وي، الوتکو بمبار کړی وي او ناچاوده توکي وي، موږ هلته يو".

اکبر پوښتنه وکړه: ناچاوده توکي څۀ ته وايي؟ پرده دار وويل:" د راکټ اوهاوان مرمۍ، سرګلولې او داسې نور هغه شيان چې نۀ وي چاودېدلي، ناچاوده توکي يې بولي".

	سپينې نښې دا مانا لري چې، دا سيمه د ماين او ناچاوده توکو لۀ ګواښ نه پاکه شوېده.

شازيې وويل:" زۀ د سپينو نښوپۀ راز خبره يم، سپينې نښې دا مانا چې،داسيمه د ماين او ناچاوده توکو لۀ ګواښ نه پاکه ده ". پرده دارشازيه وستايله او ورته يې ووبل:

"ستا خبره سمه ده خو بيا هم هر ځاي کې چې ګرځئ پام کوئ، هسې نه چې کوم ماين يا بل شی پاتې وي خداي مکړه پرې ورپېښ نۀ شئ".

تر دې وروسته پرده درا د پردې په کشولو سره خپرونه پای ته ورسوله.