عارفه عمرلور

خپرونه له دې ځايه واورئ !

خو يوه ورځ سلطان او اجمل پۀ يوه وړه خبره سره خوابدي شول.ددوی دغه کار ځلمی او حيات خان هم ډېر خواشيني کړل، د دوی پر لوبويې ناوړه اغيزه وکړه.

دوی به يوځای نۀ ګرځېدل او د پخوا پۀ څېر به خوشاله هم نه وو. حيات خان او ځلمي پرېکړه وکړه چې دوی به سره پخلا کوي،

نو دواړه يې پۀ يوه پلمه د کلي ميداني ته را وغوښتل.

	د توتانو د مېلې په پلمه ځلمي او حيات خان خپل خواشيني شوي ملګري بېرته سره پخلا کړل.

اجمل او سلطان چې سره مخامخ شول، يوبل ته يې سپکې سپوري وويلې، حيات خان اوځلمی يې هم پړۀ کړل چې ولې يې د دوی د پخلا کول زيار ايستلی و.

يوه ورځ حيات خان او ځلمی خواشيني ناست و، د ځلمي خور، ګلناره راغله، د خواشينې لامل يې ترې وپوښتۀ.

هغوی وويل:"اجمل او سلطان جګړه کړېده، دې خوابدن ته يې موږ هم پۀ اندېښنه کې يو." ګلنارې ناڅاپه د خپل ورو زلمي غوږ کې پټه خبره وکړه.

ځلمی او حيات خان د اجمل او سلطان دوی کورونو ته ورغل او ورته يې وويل:" سبا ته ځان تيار کړئ، چې د ځلمي د ماما باغ ته ځو او د توتانو مېله کوو."

سبا ته څلور واړه باغ ته ولاړل، ځلمی او حيات خان دواړه د توتانوڅنډلو لپاره ونې ته وختل، سلطان او اجمل ته يې وويل چې دوی دې لاندې څاد ر ونيسي.

	ځلمی او حيات خان د توتانو څنډلو لپاره ونې ته خېژي سلطان او اجمل ورته لاندې ځولۍ نيسي.

سلطان او اجمل دې کار ته خوښ نه وو، خو بله چاره يې نۀ وه ، دواړو پۀ ګډه څاد ر ونيو، حيات خان او ځلمی پرتوتانو څنډلو بوخت وو،او حيات خان يوه سندره پيل کړه.

څومره ښه هوا ده _ څومره ښايسته توت
ونيسی څادر هلکو =-وخوری دغه توت
وڅنډی دا توت _ څادر ونيسه مظبوط
اجمله چې توی نه شي در نه توت

ټولووخندل، دحيات خان او ځلمي پۀ زيار سلطان او اجمل سره پخلا شول. پۀ پای کې ځلمي وويل:

" دا چل مې ګلناري خور راته ښودلي ؤ چې د توتانو د ميلې پۀ پلمه يې سره پخلا کړئ.