ناجيه نجات

خبرونه له دې ځايه واورئ !

" پسرلی دی ټول شنه بوټي پخپله شنۀ کيږي، ولې ته د ونو پالنه کوئ ؟" لالو وويل:" که د نيالګيو سمه پالنه وشي ، ډېر عمر کوي ." پۀ همدې اړه يې يوه دريڅه پرانيستله.

ببرک خپل ملګري بريالې ته وويل: مامامې بدخشان کې يوه ونه ليدلې وه، ډډ يې خالي ؤ، منځ کې يې څلور کټونه ايښوول کېدل. بريالي وويل:" کاشکې مې دا ونه ليدلې وای !"

ببرک ،بريالي نه پوښتنه وکړه:" پۀ افغانستان کې تر ټولو پخوانۍ ونه کوم ځای کې ده ؟ بريالی ونۀ پوهېدۀ دواړه حکيم بابا ته و لاړل او لۀ هغۀ نه يې پوښتنه وکړه.

حکيم باباوويل:"د نورستان ولايت د ( درېن ) پۀ سيمه کې دلمنزې پۀ نامه داسې ونې شته چې لۀ ( ١٥٠٠) نه تر (٢٠٠٠) کاله پورې منګ ( عمر) لري ،

دنورستان د( درېن ) په سيمه کې دلمنزې پۀ نامه داسې ونې شته چې لۀ ( ١٥٠٠) نه تر(٢٠٠٠) کاله عمر لري ،

او د ننګرهار ولايت دمېملې بڼ کې هم داسې ونې شته چې عمر يې ( ٤٠٠ ) کاله ته رسيږي.خو که د ونو ښه پالنه وشي ډېر منګ ( عمر ) کولی شي."دريڅه هم بنده شوه.

راضيې لالو ته وويل:" رشاد کله نا کله ، دونو څانګې پرېکوي." رشاد وويل:" زۀ خو دونو وچې څانګې را ماتوم او خپلو ملګرو سره پرې د( ډنډه کلک) لوبه کوم."

راضيې وويل:"زۀ کله ناکله،سپورت هم کوم." رشاد وويل:" دنجونو يې لۀ سپورت سره څه (!)؟
لالو ماما رشاد ته وويل:" نجوني هم سپورت کولای شي." پۀ همدغه اړه يوه دريڅه ورته پرانيزي.

خبريال د نجونود کراټې پۀ ورزشي کلب کې د هغه کلب له استادې سره ولاړدی، هغې خپل ځان داسې ورپېژندۀ:

	دوه د سرواو سپينو زرو مډالونه مې په ( ناروې ) او پېنځه مې پخپل هېوادکې تر لاسه کړيدي.

" تفسير سياه پوش مې نوم دی،( ١٨) کالنه يمه ، پېنځه کاله کيږي چې د کراټۍ لوبه کوم، پۀ افغانستان کې دکراټۍ پۀ لوبه کې لومړنۍ نجلۍ يمه چې تور کمربند لرم .

په ډېرو سياليو کې مې ګډون کړيدی،دوه د سرواو سپينو زرو مډالونه مې د( ناروی ) پۀ هېواد او پېنځه مې پخپل هېوادکې تر لاسه کړيدي.

دې کارته مې کورنۍ ډېره هڅولې يمه،اوولس درجې ( ډان ) مې تر لاسه کړېدي،زه لۀ کراټۍسره مينه لرم اولۀ هر کار سره مينه درلودل دانسان د برياليتوب لامل کرځي."