ناجيه نجات

	هزاره ګي ټغرونه نه يواځې په هيوادکې دننه خلک رانيسي ،بلکې له هيواده دباندې هم ښه بازارلري.

موږ ته ماين پاکانو ويلي چېرته چې ګڼ بوټي وي هلته به نۀ ځئ. لالوماما دوئ ماڼۍ ته بوتلل .لالو لۀ رضا وپوښتل ولې يې رنګ الوتی؟ فا طمې وويل: دګڼو بوټو خواته روان ؤ،

خپرونه له دې ځايه واورئ !

ما ورته وويل مۀ ځه هلته ماينونه دي. د ی لږ ووېرېدۀ. لالو فاطمه وستايله او دريڅه يې پرانيستله.

خبرلوڅ وويل: د افغانستان ځينوسيموکې لا هم ماينونه پاته دي. ځايي خلکوته دغه سيمې څۀ ناڅۀ مالومې دي، خو راستا نۀ شوي کډوال لۀ دغو پټودښنانو نه ناخبره دي.

څوتنوراستنو شوو ځوانانوپۀ دې اړه څرګندونې کړي . الله محمد وويل :

لۀ مهاجرته چې راغلم، زمونږ کورته نږدې عسکري پوسته وه وپوهېدم چې دلته به ماينونه وي. نعيم وويل: زۀ پۀ دې نۀ پوهېدم چې کوموسيموکې ماينونه وي .

شيرمحمد وويل: دکلي خلکوراته وويل ،هغه ځايونو کې چې کنډوالې، عسکري پوستې او ولاړ واښه وي ،هلته ماينونه وي داسې ځايونو ته به نۀ ځئ .

ماين پاکان وايي، که تيږوته سوررنګ ورکړل شوی وي ، دڅارويو هډونه پراتۀ وي هلته ماينونه وي

داد محمد وويل: ايران نه راتلو ماين پا کانو وويل، که تيږوته سوررنګ ورکړل شوی وي ، دڅارويو هډونه پراتۀ وي هلته به نه ګرځئ ماينونه وي .دريڅه تړل کيږي.

مېلمانۀ په ماڼۍ کې ګرځي نوي ټغرونه غوړېدلي وي، رضا پوښتنه وکړه دا ټغرونه لۀ کومه شوي ؟ لا لو وويل: دا هزاره گي ټغرونه دي پاچا ته چا سوغات راوړي.

رضا اوفاطمې د ټغر اوبدلو پۀ اړه مالومات وغوښتل ، لالو ماما يې هم خبره ومنله اوبله دريڅه يې ورته پرانيستله .

خبرلوڅ وويل: د افغانستان غالۍ، ټغرونه پۀ تېره هزاره ګي ټغرونه پۀ هيواد کې دننه اود باندې ډېر خلک خوښوي . خو هزاره ګي ټغرونه ولې دومره ارزښتمن دي؟

د غا ليو يوۀ دوکاندار داسې وويل: هزاره گي ټغرونه ځکه ډېرارزښت لري چې د څارويو لۀ وړيو نه جوړېږي،او دطبعي بوټوپۀ رنګ رنګيږي.

	هزاره ګي ټغرونه دپسونو له وړيو جوړيږي، او له طبعی بوټو نه په جوړ شوي رنګ يې رنګوي.

يوې هزاره غا لۍ اوبدونکې ښځې يې د اوبدلو پۀ اړه داسې وويل: د پسۀ وړېونه سنۍ جوړو،بيا پر څلورو لرګيو تارونه غزوو، بياتي، گمنځ، څخه پۀ کې کار اخېستل کېږي

بياپۀ کې ګلان جوړوو. پخوا به يوازې سپين او تور رنگ، خو اوس رنگا رنګ ټغرونه اوبدل کيږي.

د غالۍ پۀ څېر د نقش لۀ مخې نقش پۀ کې نۀاچول کېږي بلکې داوبدونکي په خوښې پورې اړه لري .دريڅه تړل کيږي.