محمدآصف عمر

	راوړه نيالګي راوړه کلی کور مو خړ ميدان دی، ورو ورو باران دی.

ماشومانو ورمنډې کړې اوتر روغبړ وروسته يې پام شو چې بنجاري لۀ ځانه سره نيالګي راوړي دي .

خپرونه له دې ځايه واوری!

فاطمې ته د نيالګيو دکرلو په اړه يوه ترانه ورپۀ زړه شوه چې لۀ مشر ورور څخه يې زده کړې وه .

بنجاري او رستم يې اورېدل وغوښتل. فاطمې هم پۀ ترنم پيل وکړ :

راوړه نيالګي راوړه کلی کور مو خړ ميدان دی، ورو ورو باران دی، راوړه نيالګي

راوړه چې يې وکرو هرخواته، باغ به شي سبا تهو ونو د ميوو نه مرغۍ والوزي هوا ته ښکته شي کلا ته

اوس خو هره ورځ په دوړو ډک زمونږ دالان دی،ورو ورو باران دی ، راوړه نيالګي راوړه کلی کور مو خړ ميدان دی ،ورو ورو باران دی .

بنجاري لۀ خورجينې چمبه راواېستله او له ماشومانو يې وغوښتل چې دا ځل يې له چمبې سره په ګډه ووايي تر څو لا ډېر خوند وکي .

بنجاري له ماشومانو وغوښتل چې په دېرشو نيالګيو لومړی يو ، ورپسې دوه ، ورپسې درې .....همداسې تر لسو نيالګيو زيات کړي.

ماشومانو هم ترانه له چمبې سره وويل .

بنجاري په جايزه کې ورته يويو نيالګی ورکړ او غوښتنه يې ترې وکړه چې همدا ترانه خپلو نورو ملګرو ته هم ووايي .

قسيم او طيبې خپلو پروسږ نو نيالګيو ته کتل او خوشحاله وو . قسيم وويل چې دا نيالګي څنګه ښه غټ شوي،خو پوېېږې چې څو دانې دي ؟

طيبې وويل چې د پلار څخه يې اورېدلي چې دېرش دانې دي . پۀ دې وخت کې بنجاري راغی.

بنجاري لس نيالګي نور هم ورکړل او ويې ويل که دا د خپلو مشرانو په مرسته وکرئ نو ستاسې ټول نيالګي په څـو شي ؟ ماشومانو د پنځوس ځواب ورکړ .

بنجاري د ماشومانو ځواب سم ونه ګاڼه .

ماشومانو د سم ځواب د اورېدلو غوښتنه وکړه ، خو بنجاري وويل چې هغه به په پای کې په خپله پيدا کړئ .

بنجاري په پيل کې له ماشومانو وغوښتل چې په دېرشو نيالګيو لومړی يو ، ورپسې دوه ، ورپسې درې ، .......همداسې تر لسو نيالګيو زيات کړي .

ماشومانو هم په پوره شوق دا ډول زياتول پيل کړل . هغوئ يو له بله پوښتل چې که په دېرشو يو زيات شي څو کېږي ؟ دويم ځواب ورکاوه چې يودېرش .

	ماشومان په ګډه سره حساب زده کوي.

همداسې په دېرشو که دوه زيات شي ، که درې زيات شي ...... تر لسو پورې . هر يو په خپل وار سم ځواب يا خپله يا د بنجار ي په مرسته پيدا کاوۀ .

په پای کې څرګنده شوه چې که ددوئ په دېرشو پروسږکلنو نيالګيو لس نيالګي نور هم زيات شي نو څلوېښت کېږي .

وروسته هغوئ پوه شول چې که په دېرشو يو زيات کړو بايد اول يو ووايو ورپسې دېرش يانې يو دېرش همداسې تر نهه دېرشو .

په پای کې بنجاري ټول نيالګي په تحفه کې ورپرېښودل او ورڅخه ويې غوښتل چې همداسې حساب له خپلو نورو ملګرو سره هم وکړي .