آرش ننگيال

دا پروگرام ددې ځاى پر کېکاږلو سره اوريدلى شئ

فرحنازه سندره وايي او بهرام هارمونيه ورسره غږوي، خو سمه يې نه شي غږولای. فرحنازه وايي چې، هارمونيه غږول دومره اسانه کار نه دی.

په دې وخت کې ګاډيوانه ترور راځي او له ماشومانو سره ستړې مشي کوي.

ماشومان وايي، موږ هڅه کوله چې، باجه وغږوو خوسمه مو نه شوای غږولای. ګاډيوانه وايي چې، زه هم يو وړوکی هلک پېژنم چې، ډېره ښه هارمونيه غږوي.

تر دې ورورسته ګاډيوانه ماشومان له ځانه سره د باجه غږوونکي هلک ليدو ته بيايي.

فرحنازه پوښتي چې، ددې هلک نوم څه دی ؟ ګاډيوانه وايې چې، نوم يې احمد ضياء دی، د کابل د نوي ښار په اشيانه کې د موسيقۍ په زدکړه بوخت دی او د (١٢) کالو دی. ګاډوانه کابل ښار ته د راسېدو يادونه کوي اوګاډۍ راکښته کوي .

له ډېر پخوا مې له هارمونيې سره مينه درلوده او تل به مې په زړه کې ويل چې، کاشکې ما هم هارمونيه غږولای شوای، خو کله چې اشيانې ته راغلم نو دغه هيله مې پوره شوه. احمد ضياء

ګاډيوانې بهرام او فرحناز د احمد ضياء ټولګي ته بوتلل چې، په دې وخت کې احمدضياء د هارمونيې په زده کړې بوخت و.

ترستړي مشې وروسته ماشومانو له احمد ضياء څخه وپوښتل چې، له هارمونيې سره دې څنګه مينه پيداشوه؟

احمدضياء وويل چې، ما له ډېر پخوا څخه له هارمونيې سره مينه درلوده. کله چې به کوم واده ته ولاړم او سندرغاړې به مې وليدل،

نو په زړه کې به مې ويل چې، کاشکې ما هم هارمونيه غږولای شوای، خو کله چې اشيانې ته راغلم نو دغه هيله مې پوره شوه.

ماشومانو وپوښتل چې، څومره وخت کېږي چې، په اشيانه کې د موسيقۍ په زده کړه بوخت يې او اوس څومره هارمونيه غږولای شې؟

احمدضياء وويل چې، يو کال کېږي چې، هارمونيه غږوم او اوس هره نغمه پرې غږولای شم.

	احمد ضياء سندرې له راډيو څخه زده کړي او استاد يې هم ورسره مرسته کوي.

لومړۍ نغمه چې، ما په هارمونيه وغږوله دا وه: ( انار دانه ندارد _ انار بی دانه) په دې وخت کې د ضياء ښوونکی راغی او ويې ويل:

"احمد ضياء ډېر ښه استعداد او له هارمونيې سره ډېره مينه لرې، ځکه يې نو په يو کال کې هارمو نيه زده کړه. دی رباب او طبله هم غږولای شي"

ماشومان حيران شول چې، طبله او رباب يې څنګه زده کړل؟ احمدضياء وويل چې، کله مې هارمونيه زده کړه نوله هماغې ورځې راهيسي مې رباب او طبله هم زده کړه.

کله چې مې د موسيقۍ الف با، يانې ( سا .ری.ګا . ما. پا ) زده کړل نو، د هماغې ورځې راهيسې مې د موسيقۍ نورې الې هم زده کړې.

ګاډيوانه وايې، لکه د ليکلو او لوستلو لپاره د(الف .ب .ت زده کول ضروري دي دغسي ( سا، ري، ګا، ما،پا) د موسيقۍ د زده کړې لپاره ضروري دی.

تردې وروسته ماشومان ضيا ته وايي چې طبله او رباب ورته وغږوي . ضيا هم د هغوی خبره مني او دغه الات ورته غږوي.

ضيا وايې چې، زه ډېر خوښ يم چې، هارمونيه مې زده کړې ده، ماشومان داهم پوښتې چې تر اوسه يې په کوموځايونوکې هارمونيه غږولې ده؟

اوس هر ډول نغمې غږولولاى شم خو لومړۍ نغمه چې، ما په هارمونيه وغږوله هغه: ( انار دانه ندارد _ انار بی دانه) وه احمدضياء

ضيا وايي چې، کله نا کله د خپلو دوستانو او ملګرو ودونو ته ځم، هلته هارمونيه غږوم او سندرې هم ورسره وايم اوکله ناکله هم د اشيانې له خوا ځينو ځايونو ته بيول کېږو.

ماشومانو له ضياڅخه وپوښتل چې، سندرې يې له چاڅخه زده کړې؟

ضيا وويل چې، سندرې مې له راډيو څخه زده کړي دي او استاد مې هم مرسته راسره کوي. زه ښونځي ته نه ځم.

په اشيانه کې مې ليکل او لوستل زده کړي دي، خو په راتلو نکې کې غواړم چې، ښونځي ته ولاړ شم

تر دې وروسته ماشومان د ضيا له يوه هم صنفي سره خبر ې کوي. هغه وايي ، کله چې،کومه ستونزه ولرم نو احمدضياء مرسته راسره کوي او د احمدضياء له برکته مې هارمونيه زده کړې ده.

تردې وروسته فرحنازه او بهرام له احمدضياء سره خدای پاماني کوي او خپرونه پای ته رسېږي.