 | | | يوشمېرکسانو دپورله پيسونه په کاراخيستنې دګټې لار موندلې اوخپله پانګه يې ډېره کړېده. |
هر پلورونکی او سوداګر هڅه کوي، چې مشتريان يې زيات او جنس يې ښه پلورل شي، څو پدې توګه يې ګټه هم ډېره شي. ضمير ګل دکابل دښار هغه دکاندار، چې ترنورو دکاندارانو يې مشتريان ډېر او سودا يې هم ښه پلورل کيږي. نوموړي ددې کار لامل له مشتريانوسره نېک سلوک او دهغوی دخوښې وړ توکي راوړل وګڼل. ددې ترڅنګ هغه دې ټکي ته هم پام کړی، چې کوم شيان يې په تېره اوونۍ کې ډېر پلورل شوي، چې په نوې اوونۍ کې هم ورته پاملرنه وکړي. کرېډت کارټونه: حميد بيا د کابل په منډوي سيمه کې د (۴) مليونو افغانيو په پانګه د ګرځنده ټلېفونونو دکرېډېټ کارتونو نماينده ګي جوړه کړېده . نوموړي وويل، چې په پيل کې يې يونيم مليون افغانۍ له يوه پور ورکوونکي دفتر نه اخيستي او دوه نيم مليونه افغانۍ يې خپلې درلودلې. | | | دکوچني پور له برکت نه دحميددکورنۍ پنځه تنه غړي اوس ورسره په کار بوخت دي. |
حميد وويل، چې دهمدې پور له برکته يې اوس دکورنۍ پنځه تنه غړي په کاروبار کې ورسره بوخت دي. هغه کريډت کارتونه له بېلابېلو کمپنيو په عمده ډول پېري او وروسته يې بيا په عمده او پرچون ډول پلوري او پدې توګه يې دګټې لارموندلې ده. | 
له دې ځايه واورئ!
د آبادۍ غږ : د پوليسو ګزمه 