فدامحمد منصور

	دونواوبوټوپالل او کرل له يوې خوا سالمه بوختيا او له بلې خوادګټې لامل کيږي.

له دې ځايه واورئ!

سلام الدين هغه څوک دی ، چې د کابل ولايت دميربچه کوټ په ولسوالۍ کې د مېوه لرونکي نيالګيو اوګلانوقوريه جوړه کړې ده.

نوموړي دژمي په موسم کې دنيالګيو او ګلانو ساتنه او پالنه کوي اوپه پسرلي کې بازار ته دخرڅلاو لپاره راباسي.

سلام الدين وويل، چې په دې کار سره له يوې خوا په ژمې کې ورته سالمه بوختيا پيداشوه او له بله پلوه يې اقتصاد هم پياوړی شوی دی.

مېرمن ګلپري ، هغه څوک ده چې د خپل زوي لپاره يې، چې دبوټ ګنډلو مهارت لري، دپور ورکونې له يوه دفترنه پور اخيستی دی.

	کوچني پورونه هم کولای شي داقتصادپه پياوړتياکې ځانګړی رول ولوبوي.

هغې وويل، چې په لومړي او دويم پړاوکې يې لس، لس زره افغانۍ او په درېيم پړاوکې يې (۲۰) زره افغانۍ پور تر ګوتو کړی دی.

دهغې زوی اوس په اوونۍ کې (۱۲۵) افغانۍ پور ادا او پاتې يې دکور دلګښت له پاره لګوي، چې له خپل دې کارنه خوښ دی. هغوی هوډ لري، چې په راتلونکې کې دبوټ ګنډلو دستګاه هم جوړه کړي.