احمدضياء الهام

	ددولتي اوشخصي ځمکو غاصبين دعدلي او قضايي تعقيب لپاره اړوندو مراجعو ته ور وپېژند کيږي.

له دې ځايه واورئ!

امين الله دننګرهار دکوټ ولسوالۍ اوسېدونکي وويل، چې دهغوی شخصي ځمکه چې شرعي قواله هم لري، له څو کالونوراپدېخوا زورواکولاندې کړېده.

ددې کارلاملونه د ځمکې دبيې لوړېدل اوديوشمېر زورواکانو له خوا د دولتي او شخصي زور نه دهغوی ناوړه ګټه اخيستل دي.

ددولتي اوشخصي ځمکو غصب يولړ ناوړه پايلې هم لري، چې خلک له زياتو زيانونوسره لاس او ګرېوان کوي.

زموږ ددې خبرو غوره بېلګه دخوست ولايت هغه دولتي ځمکه ده، چې خلکو پکې مارکېټونه جوړ کړي وو.

پدې وروستيو وختونوکې دولت ياد مارکېټونه ړنګ او دهوايي ډګر دجوړېدو چارې يې پيل کړې، چې څښتنان يې له زيات اقتصادي زيان سره مخ شول.

ددولتي او شخصي ځمکوله غصب په اړه دکابل ښاروالۍ دملکيتونو رييس فريدون رشيدي داسې وويل:

"که چېرې هرڅوک په خپل سر دولتي ځمکې لاندې کړي، ښاروالي نه شي کولای خپل ماستر پلان تطبيق کړي.

	په جعلي اسنادو دځمکوغصب له قانون نه ښکاره سرغړونه شمېرل کيږي.

ددې کار څخه دمخنيوي په موخه دکابل ښاروالۍ، ماليې او کرنې وزارتونو له خوا د اسکان د مقررې دشپږمې مادې پربنسټ يو ګډ هيات رامنځته شوی دی.

هيات دنده لري، چې شخصي او دولتي ځمکې دغاصبينوله ولکې آزادې او غاصبين دعدلي او قضايي تعقيب لپاره اړوندو مراجعو ته ور وپېژني."