اسما کاکړ

	ددې لپاره چې ماشومان په سړه کې هوا په سينه او بغل اخته نه شي، تودې جامې دې واغوندي.

له دې ځايه واورﺉ!

دکابل په اندراګاندي روغتون کې موظف ډاکتر منصور ښاغلي سينه او بغل يوه ساري ناروغي وګڼله.

نوموړي پدې ناروغۍ دهغوماشومانو، چې عمر يې له (۵) کالونوکم وي،ډېراخته کېدل دهغوی دوجود دمقاومت ټيټوالی وګاڼه.

دسينه او بغل دناروغۍ مکروب د هغوتوکاڼواو بلغمود ذراتودتنفس له امله روغ انسان ته ليږدي، چې پدې ناروغۍ اخته کس توکړي وي.

دا ترشحات دناروغۍ لامل نه کيږي، خو که چېرې دامکروب سږو ته لار ومومي، سږي زيانمنوي، چې بيادسينه اوبغل دپيداکېدولامل کيږي..

ددې برسېره، دهغوخونو اوسېدونکو، چې تازه هوا او لمرورته ونه رسيږي،هم پدې ناروغۍ داخته چانس ډېر دی.

	که چېرې دسينه اوبغل وايرس سږوته لار ومومي، هغه خراب اوانسان پدې ناروغۍ اخته کيږي.

روغتيايي کارپوهان په سينه کې درد، تبه ، شديدټوخی، ساه لنډي او دسينې غژهارې ددې ناروغۍ غټې نښې نښانې ګڼي.

په سينه او بغل اخته ناروغ دې دډاکتر او دارو ترڅنګ تاوده مايعات ډېر وخوري اوپه سړه هوا کې له تودو جاموګټه واخلي.