م. حماس دبي بي سي دتعليمي خپرونوله لړۍ څخه

	په کليوکې دشخصي کتابتونونو جوړول دځوانانودبې ځايه ګرځېدا مخنيوی کوي.

له دې ځايه واورﺉ!

د افغانستان په ډېری ښارونو کې عامه اوشخصي کتابتو نونو دښاريانوستونزې پدې برخه کې حل کړي، خو په کليوکې بياداشان آسانتياوې ډېرې کمې ترسترګوکيږي.

دميدان وردګو ولايت اوسېدونکي لطف الله په کليوکې دکتابتون شتون دځوانانودبې کارۍ اوبې ځايه ګرځېدنې په مخنيوي کې ګټوروباله.

دې ستونزې ته په کتويوشمېرکليو الو شخصي کتابتونونه جوړ کړي، چې عتيق الله منيب يو له همدې راز کسانوڅخه دی.

نوموړي دښوونځي له دورې څخه له کتاب سره مينه درلوده، چې هر وخت به يې راز، راز کتابونه پېرودل.

هغه دشپاړسوکلونوپه موده کې يې د (۷۰۰) ټوکو کتابونوپه ظرفيت پخپل کورکې کتابتون جوړ کړی دی.

ددې کتابتون نه دمنيب کورنۍ، دوستان او نور کليوال ګټه اخلي. ددې ترڅنګ يوشمېر کليوالو په جوماتونوکې هم کتابتونونه جوړ کړي دي.

	دکتابتون دخلکود ديني، فرهنګي، علمي، سياسي او ټولنيز پرمختګ لپاره ډېر اړين دی.

دپوهنې په وزارت کې يومتخصص ډاکترعبدالباقي امين وويل چې که چېرې دهرکلي جومات کتابتون ولري، هرکلی به ديوه کتابتون درلودونکی وي.

هغه کسان، چې شخصي کتابتونونه لري، کولای شي خپل ټول کتابونه جومات ته ولېږدوي ، چې نورکليوال هم ترې سالمه ګټه واخلي.