مجاهد سنګريار

	که چېرې دټپ په پاک ساتلوکې بې پروايي وشي، ټپ مکروبي اومکروب يې په وجودکې خپريږي.

له دې ځايه واورئ!

دعمليات شويو ناروغانوټپونه کله ناکله له روغتون نه تررخصتېدو وروسته د نه پاملرنې په صورت کې مکروبي او ان وراسته کيږي هم.

دا ډول پېښې بېلابېل لاملونه لري، چې دکابل په وزيراکبر خان روغتون کې د جراحۍ دڅانګې متخصص ډاکترمېرويس نوراني پدې اړه داسې وويل:

"ناروغ ته ښه خواړه نه رسېدل دهغه دبدن مقاومت ټيټ او دټپ په ژر رغېدوکې ځنډ رامنځته کوي.

ددې ترڅنګ پخپل وخت دارو نه خوړل، دټپ پاک نه ساتل ، به ناولې ټوټه دهغه تړل او پخپل سرپرټپ ملهم اېښودل دټپ دمکروبي کېدو لامل کيږي."

	ټپ دې په روغتيايي کارکوونکوپانسمان اودهغه په پاک ساتلوکې دې هڅه وشي.

که چېرې دټپ په پاک ساتلوکې بې پروايي وشي او ټپ مکروبي شي، کيدای شي، چې مکروب په وينه کې ګډ او ټول بدن کې خپاره شي.

تر عمليات وروسته دټپ دژر درملنې لپاره دې له روغتيايي کارکوونکو مرسته وغوښتل شي او ترڅنګ دې پروتين لرونکي خواړه لکه : شيدې، هګۍ، لوبيا، يخني ښوروا او تازه مېوه ډېره وخوړل شي.