مجاهد سنګريار

	ددې لپاره چې غاښونه موخراب نشي، له سګرټو، نسوارواونورونشه يي توکوځانونه وساتئ.

له دې ځايه واورئ!

د روغتيايي کارپوهانوپه وينا دغاښونوله ستونزوسره دهغو کسانودمخامخ کېدو چانس ډېردی، چې نشه يي توکي کاروي.

د ننګرهان اوسېدونکی، ګلزمان بياهغه کس دی، چې هيڅ راز نشه يي توکي نه کاروي، خوبيايې هم غاښونه يوپربل پسې چينجن اوخالي کيږي.

د جلال ابادد عامي روغتياپه روغتون کې د غاښونو دناروغيو متخصص، ډاکتر عبدالستار پدې هکله داسې وويل:

"هغه کسان، چې بدن يې دکلسيم، منرالونو او ډي دويټامينوله کمښت سره مخ وي، هم دغاښونو د ماتېدو او رژېدلو له ستونزې مخ کيږي."

دعمرپوخوالی، ارثيت او جنسيت هم دغاښوپه رژېدوکې رول لري او دنارينه وو په پرتله په مېرمنوکې داستونزې سره ډېرې لېدل کيږي.

	تازه مېوې، مستې، شيدې اونورکلسيم لرونکي خواړه دغاښونودرژېدو مخنيوی کوي.

ددې لپاره،چې له دې ډول ستونزو موځان ژغورلی وي، له سګرټو، نسوارو او نورونشه يي توکودپرهېز ترڅنګ دې خپل غاښونه هم پاک وساتئ.

همدا رازهغه کسان، چې پدې ناروغۍ اخته دي دخپل بدن دکلسيم دپوره کولولپاره دې له شيدو، مستو، هګيو، سبزيجاتو او تازه مېوونه ډېره ګټه واخلي.