ميراحمد امانت

	داپنډکس په ناروغ دزيات وخت تېرېدل داپنډکس دکولمې دچاودلو ګواښ له ځان سره لري.

له دې ځايه واورئ!

د اپنډکس کولمه ګۍ د غټو کولمو د پيل له برخې سره د يوه ځونډي په بڼه تړلې ده. ځينې خلک داپنډکس ناروغي په خوړلوپورې اړوندبولی.

نجيب الله، چې د اپنډيسيت ناروغ دې ،د کېلې دجوس څښل يې د خپلې ناروغۍ لامل وګاڼه.

خو ډاکټرحبيب الرحمن دجراحۍ متخصص د اپنډکس ناروغي په هغه خوړو پورې تړلې نه بولي، چې ناروغ په نېږدې وخت کې خوړلي وي.

کله چې د اپنډکس کولمې خوله د کومې دانې، ياد مېوې د زړې په واسطه بنده شي، د اپنډکس افرازات دننه بند پاتې کيږي.

ددې کار په پايله کې داپنډکس کولمه مکروبي کيږي. پدې حالت کې انسان ته د خيټې درد ، استفراغ ) ،تبه اوبي اشتهايي پيدا کيږي.

ددې ترڅنګ په ځينو حالاتو کې دناروغ د بدن په ښي اړخ کې د درندوالي احساس هم د اپنديسيت د ناروغۍ نښې کيداې شي .

داپنډکس په ناروغ دزيات وخت تېرېدل داپنډکس دکولمې دچاودلو اوپه خېټه کې دهغې دمکروب دخپرېدوګواښ ډېروي.

	د اپنډکس کولمه ګۍ د غټو کولمو د پيل له برخې سره د يوه ځونډي په بڼه تړلې ده.

ددې کار په پايله کې بيا ناروغ درېيو مياشتودرملنې او دوه ځلي عملياتو ته اړتيا لري.

داچې څرنګه کولای شوددې ناروغۍ نه ځان وساتو،ډاکتران يې وقايه ستونزمن بولي، خو لارښوونه کوي، چې مېوې دې له زړو سره نه تېروي.

د اومو مېوو نه خوړل اوپه مالګينواوبو دسابو او مېوو مينځل هم ددې ناروغۍ په مخنيوي کې ګټور تماميږي.