سيده مقصودي

	ځينې خلک له نجلۍ دواده په هکله پوښتنه له ر واج نه ليرې اوشرم ګڼي.

له دې ځايه واورئ!

واده بايدد دواړو لورو، نجلۍ او هلک، په خوښه ترسره شي، خو ځيني کليوال پدې برخه کې دخپلو اولادونو خوښه او هوکړه له پامه غورځوي.

ځينې وخت اقتصادي ستونزې اويا هم ناوړه دودونه ددې راز ودونو لامل کيږي.

محمد اشرف دولتزی له لور نه پوښتنه له خپل رواج څخه ليرې اودشرم وړ خبره بولي.

خو رويا دکابل دشکردرې اوسېدونکې داکار دکورنيو د پوهې په کچې پورې تړلی بولي او وايي ، چې لوستی خلک دخپلو اولادونورضايت اخلي.

مولوي حضرت بلال د حاجي چمن د دارالعلوم استاد دلورله خوښې پرته د وادولو لاملونه ناوړه رواجونه او داسلام له اساساتوبې خبري وبلله.

	هره نجلۍ اوهلک، چې د خپل عمر قانوني پړاو ته ورسيږي لازمه ده، چې واده وکړي.

که چيرې د نجلۍاو يا هم هلک نه د هغوی دژوندد دشريک په اړه پوښتنه ونشي، کورنی ژوند يې له کړاوونو ډک او ياهم ژر سره جلاکيږي.

خاطره واحدي هغه مېرمن ده، چې دخپلې کورنۍ په خوښه يې واده کړی خو ددې رضايت هم پکې پوښتل شوی و. هغه اوس له خپل ګډ ژوند نه ډېره خوښه ده.