 | | | دنري رنځ ناروغ دې دټوخي، پرنجي او خبرو پر مهال خپلې خولې اوپزې ته دستمال ونيسي. |
يو شمېر افغانان په نري رنځ له اخته کېدو وروسته ناهيلي کيږي او ګمان کوي، چې نور به يې روغتيا په برخه نشي او ترڅنګ يې يوشمېر نور له داسې ناروغانوکرکه کوي، چې دناروغ دمايوسۍ لامل کيږي. د نري رنځ ميکروب له ډېرو پخوا زمانوپه انسانانوکې پيدا او هر څوک کيدای شي ددې ناروغۍ له ګواښ سره مخ شي. له دې امله دا ناروغي دې شرم ونه ګڼل شي او په لومړنيو پړاوونو کې يې بايدد درملنې په لټه کې شي. په هغو ناروغانو کې چې د نري رنځ ميکروب تشخيص شوی وي، درملنه يې په دوو : تشديدي او تعقيبي پړاوونو کې صورت مومي. په کابل کې د توبرکلوز روغتون دځانګړي مرکز يو تن ډاکتر نوراقا زاهد په وينا، په لومړي پړاو کې د ناروغ درملنه له (٢-٣) مياشتو پوري اړتيالري. ددې پړاو تر معايناتو وروسته دناروغ د تعقيبي پړاو درملنه پيل کيږي، چې کيدای شي تر(٤) مياشتو دوام ومومي او ناروغ دروغ وجود څښتن شي. | | | د نري رنځ درملنه دمکروب ترتشخيص وروسته په دوو پړاوونو کې صورت مومي. |
د دې ناروغۍ د ميکروب دلېږدد مخنيوي لپاره دې پدې ناروغۍ اخته کس دټوخي، پرنجي او خبرو پر مهال خپلې خولې اوپوزې ته دستمال ونيسي. هغه خونې، چې دلمر وړانګې نه ور رسيږي، ددې ناروغۍ ميکروب پکې ژر وده کوي، لازمه ده، چې دروازې يا کړکۍ يې دزياتې مودې لپاره پرانيستې پرېښودل شي. | 
له دې ځايه واورئ!
د آبادۍ غږ : د پوليسو ګزمه 